Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Президенти Маһмуд Әһмәдинежад конфранс заманы өлкәнин Кәшфијјат Назирлијинин (ЕТТЕЛААТ) әмәкдашларына билдириб: Иран Ислам Республикасы сырф өз принсипләри вә идеаллары сајәсиндә Гәрбин ҝөстәрдији тәзјигләрә вә һүҹумлара мүгавимәт ҝөстәрир.
Онун сөзләринә ҝөрә, Ислам Республикасы 33 ил әрзиндә Гәрб һеҝемон дөвләтләринә гаршы мүбаризә апарыб.
Маһмуд Әһмәдинежад даһа сонра дејиб: “Кәшфијјат Назирлији бу мүгавимәтдә ваҹиб рол ојнајыр. Ислам Ингилабы бәшәријјәт тарихиндә ән ваҹиб һадисәләрдән биридир. Биз тәзаһүрү АБШ олан дүнја империализминә мүгавимәт ҝөстәрмәк үчүн даһа сых бирләшмәлијик. Һазырда дүшмән зәиф нөгтәләримиздән вә чатышмазлыгларымыздан истифадә едәрәк бизә гаршы ҝизли мүбаризә апарыр. Санксијаларын јени мәрһәләси өлкәмизин тарихиндә ән чәтин сынаглардандыр. Анҹаг дүшмәнләримиз бу јолла инкишафымыза мане олаҹагларыны дүшүнмәклә јанылырлар. Игтисадијјатымызын 10%-ни тәшкил едән нефт секторумуза гаршы јөнәлмиш санксијалар өзүнү тәминат вә дөвләт бүдҹәсинин нефт ҝәлирләриндән асылылығыны арадан галдыраҹаг тәдбирләрин гәбулу үчүн стимул ола биләр”.
Диггәт: Хәбәрдән истифадә етдикдә мәнбәјә истинад лазымдыр
