Әһли Бејт -АБНА- хәбәр аҝентлијинин вердији хәбәрә әсасән Суријада Иран Ислам Республикасы телевизијасынын 4 каналына мүсаһибә верән Сурија Президенти Бәшәр Әсәд бир чох мәсәләләрә ајдынлыг ҝәтириб.
Бәшәр Әсәд БМТ илә бағлы верилән суалы белә ҹавабландырыб: Суријада террорчу дәстәләр 5000 дәфәдән чох сүлһ мүгавиләсини позмуш, динҹ инсанлара гаршы вәһшиликләр төрәдәрәк онларын һәјатына сон гојмушлар. Бүтүн бунлар БМТ-нин мави сүлһ ордусунун ҝөзү өнүндә баш вермишдир. Әҝәр мави дәбилгәлиләр өз рапортларында бу һадисәләрин һеч бирини гејд етмирләрсә демәли мәнтиг нәтиҹәси илә онлары Сүлһ Ордусу адландырмаг дүзҝүн дејилдир...
Бәшәр Әсәд бәзи дүнја өлкәләринин она вә милләтинә гаршы агрессив реаксијалар ҝөстәрмәсинә неҹә мүнасибәт бәсләдији суалын ҹавабын бәјан едәркән дејиб: “Дүнјанын реаксијасы бизим үчүн һеч бир әһәмијјәт дашымыр. Бизим үчүн ән әһәмијјәтлиси халгын истәјидир”.
Әсәд индики Түркијә дөвләтинин јүрүтдүјү сијасәти һеч дә бу дөвләтин бүтүн рәсмиләринин јүрүтдүјү сијасәтин олмадығыны вә түрк халгынын ирадәсини әкс етдирмәдијини билдириб. Сурија Президенти түрк халгынын Суријаја мүсбәт мүнасибәти илә түрк һөкумәтинин апардығы сијасәти бир-биринә зидд олдуғуну да гејд едиб.
Түркијәнин Сурија халгына гаршы террор актларын һәјата кечирдән јарарлылара силаһ-сүрсат вермәсини өнә чәкән журналистин “Сиз дә бунун мүгабилиндә Түркијәдә буна охшар һәр һансы бир иши ҝөрмәк әзминдәсизми?” суалына белә ҹаваб вериб: “Биз һачанса бир өлкәјә “Гардаш Өлкә” демишиксә сонрадан һәмин өлкәни дүшмән өлкә адландырмарыг. Үмумијјәтлә биз ҝүнаһсыз инсанларын һәјтаына сон гојмагда шәрик олмаг истәмирик”.
2014 ҹү илдә президент сечкиләриндә иштирак едәҹәксиниз? Суалына ҹаваб верән президент билдириб: “Киминсә өлкәјә башчылыг етмәси халгын истәјиндән аслыдыр. Әҝәр бир халг кимисә һакимијјәтә ҝәлмәји лајиг ҝөрүрсә демәли һәмин шәхс бу вәзифәни лајигинҹә јеринә јетирмәлидир. Бирдә ки, ахы һәлә сечкиләрә ики ил галыр буну индидән демәк һәлә тездир”.
Сурија халгынын севимли президенти сон сөз олараг Иран Ислам Республикасы илә әлагәдар дејиб: "Иран Ислам Республикасы Суријанын јанындадыр вә биз дә онлара сәдагәтлә бағлыјыг".
Диггәт: Хәбәрдән истифадә етдикдә мәнбәјә истинад лазымдыр
