Әһли Бејт -АБНА- хәбәр аҝентлијинин вердији хәбәрә әсасән бу ҝүн "Милли-Мәнәви Дәјәрләр" Иҹтимаи Бирлијинин сәдри һаҹы Меһди Мәммәдовун нөвбәти мәһкәмә иҹласы кечирилиб.
Әввәлҹә гондарма һаким шаһид кими диндирилмәли олан Маһмудов Камил адлы Јаланчы һал шаһидини мәһкәмәјә дәвәт етсәләр дә онун ҝәлмәдијини билдириб.
Мүдафиә тәрәфи, вәкил Заман Сәмәдов исә билдириб ки, онсузда чох ҝүман ки о да ҝәлсәјди диҝәр шаһидләр кими јалан ифадә верәҹәкди. Она ҝөрә дә буна һеч етираз етмирик.
Јаланчы дөвләт иттиһамчысы да етираз етмәдијини билдириб.
Бундан сонра гондарма һаким һәмин Јаланчы һал шаһидинин јазылы ифадсәни тәрәфләрин диггәтинә чатдырыб.
Шәрләнмиш мүттәһим Меһди Мәммәдов вә онун вәкили Заман Сәмәдов бу ифадәнин дә ујдурма олдуғуну дејибләр.
Гондарма мәһкәмә просеси чәрчивәсиндә Јаланчы шаһидләрин диндирилмәси мәрһәләсинин баша чатдығыны дејән һаким, Меһди Мәммәдова һәбс олунмасы барәдә суаллар верди.
Меһди Мәммәдов билдирди ки, "17 феврал тарихиндә мәнә Бинәгәди РПШ-дән зәнҝ едилиб вә полисә ҝетмәјим истәнилиб. Мән дә сәһәри ҝүн вәкилимлә бирҝә ораја ҝетмишәм. Полисдә бөлмә рәиси мәнимлә сөһбәт апарды, иҹтимаи-сијаси фәалијјәтими тәнгид едиб, "филан јерә ҝетмә, филан сөһбәтләр апарма" дејә мәни фәалијјәтимдән чәкиндирмәк истәди. Мәнә хәбәрдарлыг едилди. Бундан сонра орадан чыхдыг. Бөлмәнин гаршысында мәни ҝөзләјән достумун машынына әјләшмәк истәјирдик. Вәкилим отурду, мән исә гапыны ачанда ики нәфәр јахынлашыб өзләрини МТН әмәкдашлары кими тәгдим етдиләр вә мәним онларла ҝетмәјими истәдиләр. Вәкилим буна етираз етди, амма онлар МТН-дән белә ҝөстәриш верилдијини дедиләр. Мәни НИВА маркалы машынын арха отураҹағында отуртдулар. Сағымда вә солумда да ики нәфәр отурду. Голларымы архадан гандалладылар, башыма торба кечирдиләр вә башымы дизләримә сыхдылар. Јолда һара апардыгларымы ҝөрмәдим, амма јол боју һәдәләјиҹи, тәһгиредиҹи ифадәләр ишләдирдиләр. Һәмчинин әлләрини ҹибимә салдыгларыны да һисс етдим. Апардыглары јердә үстүмә бахыш кечирдиләр вә јолда ҹибимә гојдуглары бүкүлү кағызлары чыхарыб протоколлашдырдылар. Сонра һал шаһидләри ҝәтирдиләр. Оруҹов Кәнан адлы һал шаһидинә 20 манат вердиләр. Маһмудов Камил адлы һал шаһидинә исә пул вермәдиләр. О наркоман иди, баш әмәлијјатчы Вүгар Нәҹәфов она наркотик верди. Әбәс јерә һәмин баш әмәлијјатчы Вүгар Нәҹәфову полисдә дә "Барон Вүгар" адландырмырлар. О наркоманлара наркотик маддә пајламагла мәшһурдур. Бундан сонра ҝаһ ширин диллә, ҝаһ да тәзјиг јолу илә иттиһамы бојнума ҝөтүрмәјими истәјирдиләр. Мән исә гәбул етмәдим. 2 ҝүн мүддәтиндә итииһамы гәбул етдирмәкчүн мәнә тәзјигләр едилди. Гыш вахты ҝејим, су, јемәк верилмәди. Һәмчинин ајагјолуна ҝетмәјә дә имкан вермирдиләр. Ејни заманда мәни 2 ҝүн бојунҹа мүнтәзәм олараг голларым гандаллы һалда дөјүрдүләр. Бәдәнимин башдан ашағы наһијәләринә зәрбә вурурдулар ки, ишҝәнҹә изи билинмәсин. Бүтүн бунлары едәркән иттиһамы гәбул едәҹәјим тәгдирдә буна сон гојулаҹағыны дејирдиләр. Мән исә гәти олараг мәнә атылан бу бөһтанлары рәдд етдим."
Меһди Мәммәдовун вәкили Заман Сәмәдов да билдирди ки, һәмин мүддәт әрзиндә о нәинки Меһди Мәммәдовла ҝөрүшә билмәјиб, һәтта онун һарада сахланылмасы барәдә мәлумат әлдә едә билмәјиб.
Бундан сонра гондарма һаким Һаҹы Меһди Мәммәдовдан ҝөтүрүлмүш анализ әсасында тибби експертизанын рәјини охуду. Мәһкәмә Тибби Експертизасында билдирилиб ки, Меһди Фәхрәддин оғлу Мәммәдов наркотик истифадәчиси дејил.
Гондарма һаким сон олараг иттиһам вә мүттәһим тәрәфләринә сөз верди.
Јаланчы дөвләт иттиһамчысы Меһди Мәммәдовун барәсиндә 2 ил 6 ај мүддәтинә үмуми режимли ҹәзачәкмә мүәссисәндә азадлыгдан мәһрум едилмәсини истәјиб.
Меһди Мәммәдовун вәкили Заман Сәмәдов исә иттиһамларын тамамилә абсурд вә әсассыз олдуғуну диггәтә чатдырыб вә Меһди Мәммәдовун дәрһал азад едилмәсини истәјиб.
Гондарма һаким, "Милли-Мәнәви Дәјәрләр" Иҹтимаи Бирлијинин сәдри Меһди Мәммәдовун ҹинајәт иши үзрә мәһкәмәдә һөкм охумаг үчүн нөвбәти мәһкәмә иҹласыны сабаһ (28 ијун) саат 12:00-а тәјин едиб.
Диггәт: Хәбәрдән истифадә етдикдә мәнбәјә истинад лазымдыр
