Әһли Бејт -АБНА- хәбәр аҝентлији- Бу ҝүн мүбарәк Рәҹәб ајынын ону Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) нәслиндән олан мәсум өвлады, Ислам Аләминин үчүнҹү Имамы, Һүсејн ибн Әлинин (әлејһис сәлам) анадан олан ҝүнүдүр.Бу ҝүн дүнја мүсәлманларынын ән севинҹли ҝүнләриндән бири сајылыр. Бу ҝүндә Алаһ Тәалаја едилән дуаларын гәбул олан ҝүнүдүр.
Биз АБНА олараг дүнја мүсәлманларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләри вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Имам Һүсејнин (әлејһис сәлам) һәјаты барәдә гыса мәлумат.
Һәзрәт Имам Һүсејн (әлејһис сәлам) һиҹрәтин дөрдүнҹү или Шабан ајынын үчү (626-ҹы милади или) Мәдинә шәһәриндә дүнјаја ҝәлмишдир. О, һәзрәт Имам Әли (әлејһис сәлам) вә Пејғәмбәр (сәлләллаһу әлејһи ва алиһ) гызы ханым Зәһранын (әлејһас сәлам) икинҹи өвлады иди. Онун һәјат јолдашлары 1. Шәһр Бану. 2. Лејла бинти Әбу Муррәһ. 3. Үмм Исһаг бинти Тәлһә өвладлары исә оғуллары: Әли әл-Әкбәр, Әли әл-Өвсәт, Әли әл-Әсғәр, Ҹәфәр (әлејһимус сәлам). Гызлары: Сәкинә, Фатимә, Рүгәјјә (әлејһиннә сәлам)
Һүсејн ибн Әли (әлејһис сәлам) өз һәјаты боју зүлм вә һагсызлыға гаршы мүбаризәдә шүҹаәт вә азадлыгсевәрлији илә мәшһур олмушдур.
Һүсејн ибн Әли ушаглыг дөврүнүн алты илини бабасы Пејғәмбәрин (с) јанында кечирмишдир. Пејғәмбәрин (с) вәфатындан сонра отуз ил атасы Әли илә бирҝә јашамыш вә Әлинин һакимијјәти дөврүндә ирәли чыхан чәтинликләрдә фәал иштирак етмишдир. Әлинин шәһадәтиндән сонра (һиҹрәтин гырхынҹы илиндән) сијаси вә иҹтимаи сәһнәләрдә гардашы Һәсән ибн Әли илә чијин-чијинә чалышмышдыр.Һәсәнин шәһадәтиндән сонра (һиҹрәтин әллинҹи илиндән) он ил мүддәтинә гәдәр Мүавијә ибн Әбу Сүфјанын һакимијјәти дөврүндәки Ислами вәзифәләр Һүсејнин бојнуна дүшмүшдүр. Мүавијәнин өлүмүндән сонра һакимијјәт башына ҝәлән Језидин дөврүндә ингилаб етмиш вә нәһајәт, һиҹрәтин 61-ҹи или мәһәррәм
Имам Һүсејнин мүбаризәләри
Һүсејн ибн Әли ҝәнҹлик дөврүндән башлајараг Ислам һөкумәтинин әсл јолундан дөндүјүнү мүшаһидә етдији вахтдан атасынын сијаси мөвгејини һимајә етмиш вә она табе олмушдур. Бир ҝүн Имам Һүсејн (ә) Өмәр ибн Хәттабын һакимијјәти дөврүндә мәсҹидә ҝириб ҝөрдү ки, Өмәр минбәрдә отурмушдур. Буну ҝөрҹәк, тез минбәрин башына галхыб Өмәрә деди: "Мәним атамын минбәриндән ашағы дүш вә ҝет өз атанын минбәриндә отур." Өмәр өзүнү итирмиш һалда деди: "Мәним атамын минбәри олмајыб." Сонра Өмәр ону јанында әјләшдирди. Минбәрдән дүшдүкдән сонра Һүсејни өз евинә апарыб ондан сорушду: "Бу сөзү сәнә ким өјрәдиб?" Һүсејн : "Һеч ким" –дејә ҹаваб верди.
Имам Һүсејн Ҹәмәл вә Сиффејн дөјүшләриндә
Һүсејн атасынын һакимијјәти дөврүндә сијаси вә низами сәһнәләрдә атасы илә чијин-чијинә чалышмышдыр. О, атасынын һакимијјәти дөврүндә баш вермиш һәр үч дөјүшдә фәал иштирак етмишдир.
Ҹәмәл дөјүшүндә ордунун сол ҹинаһынын башчылығы Һүсејнин өһдәсиндә иди. Сиффејн дөјүшүндә истәр ордуну дөјүшә һәвәсләндирмәк мәгсәдилә етдији чыхышларда, истәрсә дә дүшмәнлә мүбаризәдә әсас рол ојнамышдыр. Әбу Муса Әшәри илә Әмр ибн Ас арасында ҝедән данышыгларда да Һүсејн Әли тәрәфиндән сечилмиш әсас шаһидләрдән бири иди.
Һүсејн атасынын шәһадәтиндән сонра Һәсән илә бирҝә олмушдур.Һәсәнин ордусу Шама тәрәф һәрәкәт едәндә, мүбаризә мејданында Һүсејн Һәсән илә чијин-чијинә олмушдур. Мүавијә Һәсәнә сүлһ тәклиф етдикдә, Һәсән Һүсејн вә Абдуллаһ ибн Ҹәфәри чағырыб бу тәклиф барәдә онларла мәсләһәт етди.Нәһајәт сүлһ мүгавиләси бағланандан сонра гардашы илә бирликдә Мәдинәјә гајытды вә елә орада да јашамаға башлады.
Имам Һүсејнин дөврүндәки сијаси-иҹтимаи вәзијјәт
О дөврләрдә Мүавијә икинҹи вә үчүнҹү хәлифә тәрәфиндән Шама вали сечилмишди. Мүавијә вали олдуғу бу мүддәтдә өз мөвгејини даһа да мөһкәмләтмиш вә Ислам өлкәсинин талејини һәлл едәрәк хәлифә кими һакимијјәти әлә кечирмишди.
Имам Һүсејнин Мүавијәнин һөкумәтинә гаршы мүбаризәләри
Һүсејн һеч кәсин етираз етмәјә ҹүрәти олмадығы бир дөврдә ајаға галхыб баҹардығы гәдәр Мүавијәјә гаршы мүбаризә апарырды. Инди Һүсејнин Мүавијә илә апардығы мүбаризәләрдән үчүнү арашдырмаға башлајырыг.
1) Етиразлы мәктублар вә чыхышлар Һүсејнин Мүавијә илә арасында бир чох мәктублашмалар олмушдур. Бу да Һүсејнин Мүавијәнин мүгабилиндә тутдуғу ингилаби вә мөһкәм мөвгејинин нишанәсидир.Һүсејин Мүавијәнин Ислам дининә зидд олан һәр һансы бир һәрәкәтиндән сонра ону мөһкәм данлајыр, тәнгид едир вә һәмән ишә өз етиразыны билдирирди. Бу ишләрин ән әсасындан бири Језидин вәлиәһдлији иди.
Језидин вәлиәһдлијинә гаршы мүбаризә
Мүавијә Језиди вәлиәһд тәјин етмәк мәгсәди илә ирәли сүрдүјү сијасәти давам етдирәрәк Мәдинә шәһәринин ҹамаатындан, хүсусән дә, башда Һүсејн олмагла шәһәрин адлы-санлы шәхсијјәтләриндән Језид үчүн бејәт алмаг мәгсәди илә Мәдинә шәһәринә ҝәлди. Мүавијә Мәдинәјә ҝәлдикдән сонра Һүсејн вә Абдуллаһ ибн Аббасла ҝөрүшүб сөһбәт әснасында Језидин вәлиәһдлији мәсәләсини ортаја атды. О, чалышырды ки, онлары бу ишә разы салсын.Һүсејн Мүавијәнин бу сөзү гаршысында бир мүгәддимә (өн сөз) гејд етдикдән сонра сөзә белә башлады:
"Сән өзүнү үстүн тутмагла ифрата дүчар олмусан. Ҹамаатын үмуми малыны гәсб етмәклә зүлм етмисән! Сән ҹамаатын малыны онларын өзләринә гајтармагдан чәкиндин вә бу ишдә хәсислик етдин. Ачыг-ашкар о гәдәр гарәтләр етдин ки, өз һәддини ашдын. Һагг саһибләринин һаггыны өзләринә гајтармадығын үчүн Шејтан (сәни јолдан чыхармагда) өз арзусуна чатды. Језид үчүн сајдығын фәзиләтләри вә Ислам үммәтини идарә етмәк үчүн гејд етдијин ләјагәтләри баша дүшдүм. Сән ҹамаата елә адамы танытдырмаг истәјирсән ки, елә бил ҹамаат онун һәјат сабигәсини танымыр. Санки, бурада олмајан бир нәфәрдән хәбәр верирсән ки, ҹамаат ону ҝөрмәјиб. Елә бил ки, ону анҹаг сән таныјырсан. Хејр, Језид өз батинини ачыб ашкар етмишдир. Језиди олдуғу кими танытдыр. Језид итбаз, гушбаз вә кејф адамыдыр. О, өмрүнү чалмаг, охумаг вә әјјашлыгла кечирир. Језиди бу ҹүр танытдыр. Бу бош тәблиғләрини кәнара гој! Бу үммәтин мүгабилиндә бојнуна јығдығын өз ҝүнаһларын бәсдир. Елә бир иш ҝөрмә ки, Аллаһ гаршысында ҝүнаһларын бундан да ағыр олсун. Сән о гәдәр өз батил вә зүлм јолуна давам едиб ағылсызлыг, дүшүнҹәсизлик үзүндән зүлмләр етдин ки, артыг ҹамаатын сәбр касасыны долдурмусан. Инди сәнинлә өлүм арасында бир ҝөз гырпымындан артыг вахт галмајыб. Буну бил ки, сәнин бүтүн әмәлләрин Аллаһ јанында горунуб сахланыр вә сән онлардан өтрү ҹаваб вермәли олаҹагсан."
Мүавијәнин Имам Һүсејнин гијамындан ниҝаранчылығы
Елә һәмән ҝүнләрдә Мүавијә тәрәфиндән бир ил Мәдинәјә вали сечилмиш Мәрван ибн Һәкәм Мүавијәјә јазыр: "Әмр ибн Осман хәбәр вериб ки, Ираг вә Һиҹазын нүфузлу шәхсијјәтләри Имам Һүсејнин (ә) јанына ҝет-ҝәл едирләр." Даһа сонра билдирмишди: "Мән инанмырам ки, о, гијам етмәсин." Мәрван мәктубда әлавә едиб демишди: "Бу һагда ахтарыш апармышам. Әлдә олан мәлумата ҝөрә һәлә онун гијам етмәк фикри јохдур. Анҹаг инанмырам ки, ҝәләҹәкдә дә бу ҹүр олсун. Инди бу барәдә өз фикрини билдир."
Мүавијә бу хәбәри ешитдикдән сонра Мәрванын мәктубуна ҹавабындан әлавә ашағыдакы мәзмунда Һүсејн ибн Әлијә да бир мәктуб јазды:
"Сәнин ҝөрдүјүн бәзи ишләр барәдә мәнә хәбәр чатмышдыр. Әҝәр бунлар доғрудурса, мән сәни бу ишләрә лајиг ҝөрмүрәм. (Бу ишләр сәнә јарашмаз.) Анд олсун Аллаһа, ким бир нәфәрлә әһд бағласа, ҝәрәк әһдинә вәфа етсин. Әҝәр мәнә ҝәлиб чатан хәбәрләр јалан оларса, сән бу ишә (әһдә вәфалы олмаға) ән лајиг адамсан. Өзүндән муғајат ол вә әһдинә вәфа ет. Әҝәр мәнимлә мүхалифәтчилик етсән, мүхалифәтчиликлә, әҝәр пислик етсән, писликлә үзләшәрсән. Үммәтин арасында ихтилаф салмагдан чәкин."
Имам Һүсејнин (ә) Мүавијәјә јаздығы ҹаваб
"Сәнин мәктубуну алдым. Јазмысан ки, мәним барәмдә сәнә бәзи хәбәрләр чатыр вә сән мәни о ишләрә лајиг ҝөрмүрсән. Буну дејим ки, инсаны јахшы ишләрә тәрәф ҹәлб едән вә јахшы ишләр ҝөрмәјә көмәк едән јалныз Аллаһдыр. Мәним барәмдә сәнин гулағына чатмыш хәбәрләрин һамысы бош вә әсассыз сөзләрдир. Бу сөзләри сәнин јалан данышан јалтагларын өзләриндән дејирләр. Бу динсиз јаланчылар јалан демишләр. Мән сәнә гаршы нә дөјүш тәдарүкү ҝөрмүшәм, нә дә сәнә гаршы гијам етмәк мәгсәдим вар. Сәнин өзүнүн вә динсиз, залым вә Шејтанын гардашлары олан достларынын әлејһинә гијам етмәмәјимин сәбәби дә Аллаһдан олан горхумдур.
Һиҹр ибн Әдијј вә достларынын гатили сән дејилсән? Онларын һамысы намаз гылан, Аллаһа итаәт едән инсанлар иди. Онлар бидәтләрә гаршы мүбаризә апаран шәхсләр иди. Онларын иши јалныз әмр бе-мәруф вә нәһј әз-мүнкәр иди. Сән онлара аман вердикдән, кечмиш ишләринә ҝөрә онлара һеч бир ә
