Әһли Бејт -АБНА- хәбәр аҝентлијинин вердији хәбәрә әсасән “Натсионалнаја оборона” (Милли мүдафиә) журналынын баш редактору Игор Коротченко Москвада мәтбуат конфрансында чыхышы заманы билдириб: “Иранын иблис симасында тәгдиматы тәҹрүбәсиндән узаглашмаг лазымдыр, чүнки Ислам Республикасы реҝион өлкәләри арасында нормал демократик дөвләтдир”.
Онун фикринҹә, Владимир Путинин һакимијјәтә ҝәлмәси илә Русија дүнја сијасәтиндә өз ҝеосијаси мөвгејини вә милли марагларыны дәгиг мүәјјән едиб. Баш редактор һесаб едир ки, Иран Ислам Республикасына гаршы игтисади тәзјиг сијасәти перспективсиздир, чүнки бу өлкәдә һакимијјәт шәффафдыр вә халг ону тамамилә дәстәкләјир.
“Ирагдакы һадисәләри һәр кәс хатырлајыр, Иранда да ејни ссенарини тәтбиг етмәк истәјирләр. Ислам Республикасы нүвәни динҹ мәгсәдлә истифадә едир вә Авропа үчүн һеч бир ракет тәһлүкәси јаратмыр. Бундан да нәтиҹәјә ҝәлмәк олар ки, АвроРӘМ-ин бүтүн идејалары тамамилә әсассыздыр. Иран Ислам Республикаснын бунун үчүн нә истәји, нә дә имканлары јохдур”, - Игор Коротченко дејиб.
Онун фикринҹә, Иранла һесаблашмаг лазымдыр, һеч ким онун атом мүлки саһәләринин инкишафына олан суверен һүгугларыны әлиндән ала билмәз.
“Русија Гәрбин анти-Иран тәхрибатларында иштирак етмәјәҹәк. Гәрбин ҝеосијаси мәгсәди - Сурија-Иран-Беларус-Русија-Чиндир. Беләликлә, Иранын нүвә проблеми әсас мәгсәд дејил. Әҝәр бу мәсәлә олмаса, Гәрб мүтләг һансыса диҝәр проблем тапаҹаг. Ирана гаршы һәрби ссенари јүрүдүләрсә, Русија бу өлкәни тәҹавүздән горумаг мәгсәди илә ораја һава һүҹумундан мүдафиә системләри јерләшдирмәк һүгугуна маликдир”, - И.Коротченко фикрини тамамлајыб.
Диггәт: Хәбәрдән истифадә етдикдә мәнбәјә истинад лазымдыр
