Әһли Бејт -АБНА- хәбәр аҝентлијинин вердији хәбәрә әсасән “Медиа форум” сајты Дини Гурумларла Иш үзрә Дөвләт Комитәсинин јени сәдри Елшад Искәндәровун биографијасыны тәгдим едиб. Һәмин материалда гејд олунур ки,
Елшад Һүсејн оғлу Искәндәров 1972-ҹи илдә Бакыда анадан олуб. 1993-ҹү илдә Бакы Дөвләт Университетинин тарих факүлтәсини битириб.
1993-1995-ҹи илләрдә Милли Елимләр Академијасынын “Тарих” гәзетинин редактору вәзифәсини иҹра едиб.
2002-2004-ҹү илләрдә Нју-Јоркда Колумбија Университетинин бејнәлхалг мүнасибәтләр үзрә (МИА дәрәҹәли) аспирантурасында тәһсил алыб вә бејнәлхалг мүнасибәтләр үзрә (МИА) мүтәхәссис дәрәҹәсинә јијәләниб.
1995-ҹи илдә јарадылмыш Азәрбајҹан Ҝәнҹләр Тәшкилатлары Милли Шурасынын тәсисчиләриндәндир, бу гурумда сәдр мүавини постуну тутуб.
1999-ҹу илдән Хариҹи Ишләр Назирлијинин мәркәзи апаратында ишләјиб.
2000-2005-ҹи илләрдә Азәрбајҹанын БМТ-дәки Даими Нүмајәндәлијинин биринҹи катиби олуб.
2004-ҹи илдә Диалог вә Әмәкдашлыг Уғрунда Ислам Конфрансы Ҝәнҹләр Форумунун баш катиби сечилиб.
2005-2007-ҹи илләрдә Хариҹи Ишләр Назирлијинин мәркәзи апаратынын рәһбәри вәзифәсини иҹра едиб.
2007-ҹи илдән Ислам Конфрансы Тәшкилаты Диалог вә Әмәкдашлыг Уғрунда Ҝәнҹләр Форумунун Истанбулда јерләшән баш офисиндә баш катиб вәзифәсиндә чалышыб.
2009-ҹу илин март ајында Азәрбајҹан президентинин сәрәнҹамы илә фөвгаладә вә сәлаһијјәтли сәфир рүтбәсинә лајиг ҝөрүлүб.
2012-ҹи ил мајын 31-дән Дини Гурумларла Иш үзрә Дөвләт Комитәсинин сәдридир.
Аиләлидир, 3 өвлады вар.
“Гафгазинфо” комитә сәдринин биографијасы илә бағлы әлдә етдији даһа бир нечә мараглы мәлуматы да охуҹулара тәгдим едир.
Белә ки, Азәрбајҹанын баҹарыглы ҝәнҹләриндән бири һесаб олунан Елшад Искәндәровун Дини Гурумларла Иш үзрә Дөвләт Комитәсинин сәдри тәјин олунмасы һеч дә тәсадүфү дејил. О, бу саһәдә ҹидди бир тәҹрүбәјә маликдир вә узун мүддәт Милли Тәһлүкәсизлик Назирлијиндә Дини Иҹмаларла иш үзрә куратор вәзифәсиндә чалышыб. Е. Исҝәндәров һәмин вахт бу саһәдә хүсуси хидмәтләр ҝөстәриб вә хариҹдән малијјәләшән дини иҹмаларын зәрәрсизләшдирилмәсиндә ролу олуб.
Бу арада гејд едәк ки, Елшад Искәндәровун атасы Һүсејн Искәндәров да МТН-ин забити олуб вә бир мүддәт Назирликдә хүсуси ишләр идарәсинин рәис вәзифәсиндә чалышыб.
Диггәт: Хәбәрдән истифадә етдикдә мәнбәјә истинад лазымдыр
