Әһли Бејт -АБНА- хәбәр аҝентлијинин вердији хәбәрә әсасән әлијевләр режиминин антиИслам сијасәтләри давамында шәрләнәрәк һәбс едилмиш Исламчы Журналист “Азадхебер.аз” сајтынын баш редактору Ниҹат Әлијевлә бағлы вәсатәтләрлә чыхыш едән мүдафиә тәрәфи вәкили Анар Гасымлы “Медиа форум” сајтына дејиб ки, Ниҹат Әлијев истинтага илкин ифадәни тәзјиг алтында вердијини билдирир: “Она ҝөрә дә вәсатәт галдырдыг ки, вәкилин иштиракы илә јенидән ондан изаһат алынсын”.
Анар Гасымлынын сөзләринә ҝөрә, Ниҹат Әлијев һәбс олунан ҝүн онун автомобили вә 900 манат пулу ҝөтүрүлүб: “Автомобил үзәриндә һеч бир һәбс гәрары олмадығы һалда аиләсинә гајтарылмыр. Бизим галдырдығымыз икинҹи вәсатәт машынын вә 900 манатын аиләјә гајтарылмасы илә бағлыдыр”.
Ниҹат Әлијев мајын 20-дә әлијевләр режими тәрәфиндән тутулуб. О, режимин Ҹинајәт Мәҹәлләсинин 234.1-ҹи маддәси илә (ганунсуз олараг наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) ШӘРЛӘНИЛИР. Барәсиндә 2 ај мүддәтиндә һәбс гәтимкан тәдбири сечилән Исламчы журналист Бакы Истинтаг Тәҹридханасында сахланыр.
Диггәт: Хәбәрдән истифадә етдикдә мәнбәјә истинад лазымдыр
