Әһли Бејт -АБНА- хәбәр аҝентлијинин вердији хәбәрә әсасән әлијевләр режими Азәрбајҹанын һәр бир ҝушәсини “авропалашдырдығы” кими инди дә пак олан Ислам динини вә онун ҝөзәл ганунларыны чиркин “Авропа Станадартлары” үзрә тәтбиг етмәк әзминдәдир. Белә ки, Азад Истаһлакчылар Бирлијинин (АИБ) сәдри Ејјуб Һүсејнов СаламНеwс-а данышаркән билдириб: "Һалал" стандарты кағыз үзәриндә тәтбиг едиләрсә, биз бунун гаршысыны алаҹағыг.
Онун сөзләринә ҝөрә, Азәрбајҹан белә бир стандарты һазырлајыб, гәбул едәрсә, бунун иҹрасыны дүзҝүн апарарса, бу, дүнјада бөјүк нүмунә ола биләр. О дејиб: “Бунунла бағлы Индонезија вә Малазија мүтәххәсисләри илә дә данышыглар апармышыг. "Һалал" стандарты һазырламаг олар, амма бунун ишләнмә механизми өлкәдә неҹә олаҹаг мәнә бу тәҹҹүблүдүр. Ону да дејим ки, бәзи өлкәләрдә һалал ады илә мәһсул истеһсал олунур. Һазырда Азәрбајҹана 20 мин нөвә гәдәр хариҹдән мал идхал олунур ки, үстүндә “Һалал” јазылыр. Бирмәналы олараг, бу маллара ҝөрә истеһлакчылар алдадылыр. Бизим һәмкарларымызла апардығымыз мүзакирәләрдән сонра белә нәтиҹәјә ҝәлдик ки, јалныз вә јалныз "Һалал" стандартларыны Авропанын “ҺАСП” стандарты үзәриндә тәтбиг етмәк олар. Лакин кағыз үзәриндә бу стандарт һазырланарса, АИБ бунун гаршысыны алаҹаг вә бунунла бағлы рејдләр кечирәҹәк”.
Стандартлашдырма, Метролоҝија вә Патент үзрә Дөвләт Комитәсинин сәдри Рамиз Һәсәнов билдириб ки, ҝәлән ајдан Азәрбајҹанда "Һалал" стандартынын тәтбигинә башланылаҹаг. Онун сөзләринә ҝөрә, өлкәдәки бүтүн мүәссисә вә тәшкилатлар ијулун 1-дән тәтбиг олунаҹаг стандартлара ујғун фәалијјәт ҝөстәрәҹәкләр.
Диггәт: Хәбәрдән истифадә етдикдә мәнбәјә истинад лазымдыр
