Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын мүдафиә назири Иранла Алтылар групу арасындакы мүзакирәләрә тохунараг дејиб: Гәрб өлкәләри нүвә енержисиндән сүлһмәрамлы истигамәтдә истифадә үчүн Иранын мәнтигли тәләби илә разылашмалыдырлар.
Ҝенерал-мајор Әһмәд Вәһиди базар ҝүнү еколоҝија саһәсиндә ИИР-нын мүдафиә сәнајесинин наилијјәтләри үзрә кечирилән сәрҝинин кәнарында журналистләрә мүсаһибә вериб: “Иран Ислам Республикасынын сијасәти өз нүвә һүгугуну мүдафиә етмәкдир. Гәрблиләр Иран Ислам Республикасынын әмәкдашлыг вә разылашма тәрәфдары олмагла јанашы өз һүгугундан ҝери чәкилмәјәҹәјини дә билмәлидирләр” –дејә назир билдириб.
Мүдафиә назири гејд едиб ки, Иран Ислам Республикасы Ислам Ингилабынын Бөјүк Рәһбәринин бәләдчиликләри әсасында атом силаһы вә һәр нөв күтләви гырғын силаһларына гаршыдыр. Буна бахмајајараг Иран Ислам Республикасы там өзүнә ҝүвән мүдафиәни програмлашдырыб.
Иранын мүдафиә назири өтән үч онилликдә мүдафиә саһәсиндә өлкәнин инкишафларыны гијмәтли вә ҝөзә чарпаҹаг һесаб едиб вә дејиб: Иран бу мүддәт әрзиндә там өзүнә ҝүвән мүдафиәни програмлашдыра билмишдир.
“Бәлкә дә дүнјада јалныз бир нечә өлкә вардыр ки, өзүнә ҝүвән мүдафиәси вардыр вә Иран бу саһәдә бир нечә илк өлкә арасындадыр” –дејә мүдафиә назири гејд едиб.
Вәһидинин сөзләринә ҝөрә, Иран ислам Республикасы еһтијаҹ дујдуғу мүдафиә тәҹһизаты вә системләрини өлкә дахилиндә дизајн вә истеһсал едиб вә һазырда мүдафиә саһәсиндә дүнјанын әсас өлкәләри арасында өзүнәмәхсус јери вардыр.
Вәһиди сөзләрини давам етдириб: Һазырда Иранын мүдафиә саһәсиндәки истеһсалатынын бир чох һиссәси дүнјанын илк 10 өлкәси арасындадыр вә бу потенсиаллар Ислам Ингилабынын хиласедиҹи мәктәбинин јетирмәләри вә инамлы ҝәнҹләринин сәји нәтиҹәсиндә ҝерчәкләшиб.
Диггәт: Хәбәрдән истифадә етдикдә мәнбәјә истинад лазымдыр
