Әһли Бејт -АБНА- хәбәр аҝентлијинин вердији хәбәрә әсасән Бакыда кечирилән бәднам “еуровисион” Авропа фәсад јарышмасынын финалындан бир нечә ҝүн кечсә дә бу јарышма илә бағлы Азәрбајҹанда инсан һагларынын вәзијјәтинә бејнәлхалг диггәт давам етмәкдәдир. Мәлум олуб ки, јарышманын битмәсиндән сонра Исвеч, Данимарка, Финландија вә Инҝилтәрә Авропа Јајым Бирлији (ЕБУ) үчүн јени “етик” гајдаларын гәбулуну тәклиф едирләр.
һаггин.аз Исвечин Даҝенс Нјһеттер гәзетинә истинадән билдириб ки, Скандинавија өлкәләри ББҸ-ни, Алманијанын вә Австријанын бир сыра радио-телевизија стансијаларыны ЕБУ-ја дахил олмаг истәјән өлкәләрә гаршы даһа сәрт олмаға чағырыб. Онлар һәмчинин тәләб едирләр ки, бирлик етик тәләбләрин позулдуғу өлкәләри үзвлүкдән чыхара вә ја санксија тәтбиг едә билсин.
Исвечин СВТ телевизијасынын баш директору Јева Һамилтон һесаб едир ки, бир нечә өлкә, о ҹүмләдән Азәрбајҹан јени тәләбләрә ҹаваб вермир. Онун сөзләринә ҝөрә, бу өлкәләр үмумијјәтлә кәнарлашдырыла вә ја онларын иштиракы мәһдудлашдырыла биләр. “Бәзи иштиракчылар - шүбһәли режимләрин нәзарәти алтында олан радио вә телевизија ширкәтләри Авропа Јајым Бирлијинә олан инамы һеч едир”, - Ј.Һамилтон вурғулајыб. СВТ бир нечә ири Авропа ширкәти илә бирликдә сөз азадлығы вә журналист етикасыны позан ширкәтләрә гаршы санксија тәләб едир. ЕБУ үчүн јени гајдаларын рәсми гәбулу ијунун сонларында Страсбургда олаҹаг.
Азәрбајҹаны ЕБУ-да Иҹтимаи Телевизија тәмсил едир вә о, гејри-һөкумәт тәшкилатларынын мониторингләринин нәтиҹәләринә вә “еуровисион-2012" фсад мүсабигәсинин ишыгландырылмасына ҝөрә өзүнү објективлик, плүрализм вә баланс принсипләрини позан тәшкилат кими ҝөстәрмишдир.
Диггәт: Хәбәрдән истифадә етдикдә мәнбәјә истинад лазымдыр
