Әһли Бејт -АБНА- хәбәр аҝентлијинин вердији хәбәрә әсасән Иранын “Сәһәр” телеканалынын Азәрбајҹандакы мүхбири Анар Бајрамлынын ҹинајәт иши үзрә Бинәгәди рајон мәһкәмәсиндә нөвбәти просес кечирилиб. Һаким Тәрлан Кәримовун сәдрлији илә кечирилән просесдә Бинәгәди рајон 4-ҹү полис бөлмәсинин әмәкдашы Оруҹ Мирзәјев вә истинтагда һал шаһиди кими иштирак етмиш Елнур Гасымов ифадә вериб. Оруҹ Мирзәјев вәкилин суалларына ҹаваб вермәкдән имтина едиб, һаким исә шаһиди ҹаваб вермәјә мәҹбур етмәк сәлаһијјәтинин олмадығыны билдириб.
Просес 8 ијун саат 14:15-дә нөвбәти шаһидләрин диндирилмәси илә давам едәҹәк.
Хатырладаг ки, Анар Бајрамлы февралын 17-дә Бинәгәди рајон 4-ҹү полис бөлмәсинин әмәкдашлары тәрәфиндән сахланылыб вә онун үзәриндән 0, 0387 грам һероин тапылдығы билдирилиб. Журналистә гаршы Ҹинајәт Мәҹәлләсинин (ҸМ) 234.1-ҹи маддәси (ганунсуз олараг наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) илә иттиһам ирәли сүрүлүб.
Диггәт: Хәбәрдән истифадә етдикдә мәнбәјә истинад лазымдыр
