Әһли Бејт -АБНА- хәбәр аҝентлији- Бу ҝүн мүбарәк Рәҹәб ајынын ону Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) нәслиндән олан мәсум өвлады, Ислам Аләминин доггузунҹу Имамы, Мәһәммәд ибн Әли әт-Тәгинин (әлејһис сәлам) анадан олан ҝүнүдүр.
Бу ҝүн дүнја мүсәлманларынын ән севинҹли ҝүнләриндән бири сајылыр. Бу ҝүндә Алаһ Тәалаја едилән дуаларын гәбул олан ҝүнүдүр. Биз АБНА олараг дүнја мүсәлманларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләри вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Имам Мәһәммәд Тәгинин (әлејһис сәлам) һәјаты барәдә гыса мәлумат.
Шиәләрин 9-ҹу Имамы Мәһәммәд ибн Әли әт-Тәгидир (әлејһис сәлам)
818 — 835-ҹи милади тарихиндә јашајыб
Сәләфи: Имам Рза (әлејһис сәлам)
Хәләфи: Имам Нәги (әлејһис сәлам)
Дини: Ислам
Тәвәллүдү: 811-ҹи ил Һиҹазын Мәдинә шәһәри
Вәфаты: 835-ҹи ил Ирагын Казимејн шәһәри
Атасы: Имам Әли ибн Муса (әлејһис сәлам)
Ушаглары: Имам Әлијјән Нәгидир (әлејһис сәлам)
Доггузунҹу Имамын ады Мәһәммәд (әлејһис сәлам), күнјәси Әбу Ҹәфәр (әлејһис сәлам), ләгәби Тәги вә Ҹавад (әлејһис сәлам) олмуш, һиҹрәтин јүз дохсан бешинҹи илиндә Мәдинә шәһәриндә анадан олмушдур. Пејғәмбәрин һәјат јолдашы олмуш Марија Гибтијјәнин нәслиндән һесаб олунан Сәбикә ханым әхлаги дәјәрләр бахымындан јүксәк мәртәбәдә дурур вә өз дөврүнүн гадынларынын ән үстүнү һесаб олунурду. Белә ки, Имам Риза (әлејһис сәлам) о ханымы пак, нәҹабәтли вә фәзиләтли бир гадын кими јад едирди.
Имам Ҹавадын (әлејһис сәлам) атасы вәфат едәркән тәхминән сәккиз јашы олмуш, ијирми беш јашында оларкән шәһадәтә јетишмиш вә Бағдадын Гүрејш гәбристанлығында бабасы Имам Казимин (әлејһис сәлам) мәзарынын јанында дәфн олунмушдур.
Диггәт: Хәбәрдән истифадә етдикдә мәнбәјә истинад лазымдыр
