Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы сон ҝүнләр һәбс олунан үзвләри илә бағлы Бәјанәт јајыб.
Бәјаннәтдә дејилир: АИП јарандығы ҝүндән өлкәдә, Азәрбајҹан халгынын һәјатында баш верән просесләрә һәмишә диггәтлә јанашмыш, вәтәндашларын һагг вә һүгугларынын вәзифәләрини мәнимсәмиш, халгы көлә вәзијјәтинә салмаға чалышан мәмурларын өзбашыналығына гаршы сөзүнү демиш вә мүбаризә апармышдыр. Шәхси марагларыны бүтүн ганунлардан, һәтта милли-мәнәви дәјәрләрдән үстүн тутан, һәтта бу дәјәрләри ашағылыјанлар нифрәтдән башга бир шеј газанмадыгларыны һисс едир, садә вәтәндашлара гаршы даһа да агрессивләширләр.
Белә басгылары, һүҹумлары, тәгибләри Азәрбајҹан Ислам Партијасы даһа чох һисс едир, һагсызлығын аҹысыны дадыр. Өлкәмиздә кечирилән бејнәлхалг маһны мүсабигәсинин халгымыз үчүн, онун милли-мәнәви, дини дәјәрләри бахымындан мәгсәдәујғун олмадығына даир, һәтта бөјүк гаршыдурма илә нәтиҹәләнә биләҹәк үздәнираг ҝејпарадла башланағаҹына партија, о ҹүмләдән халгымызын диндар кәсими гәти шәкилдә сөзүнү деди. Бәзиләринин исә бу арзусу үрәјиндә галдығына ҝөрә сијаси гурума һүҹумлар давам етдирилир. Беләләри һәтта Милли Мәҹлисин трибунасындан өзләринә ујғун вә өзләринә јарашан ифадәләр ичләдәрәк ҝејпарада гаршы чыханлара етиразларыны билдирмишләр.
Инди дә ајры-ајры исламчылар полис шөбәләринә чағырылыр, һәдәләнир, һәбс олунурлар. Саһил гәсәбә сакини, АИП үзвү Елмхан Һүсејнов бир нечә ҝүндүр ки, сахланылыб, һаггында һәбс гәтимкан тәдбири сечилмишдир. Е.Һүсејнова наркотик дашыјыҹысы кими стереотип шәр-бөһтан иттиһамы ирәли сүрүлмүшдүр.
Азад фикрә, милли-мәнәви, исламы тәәссүбкешлији оланлара гаршы һүҹумлар һеч дә стабиллијин горунмасына, демократик принсипләрин инкишафына хидмәт етмир. Бу аддымлар садәҹә ҹәмијјәт –һакимијјәт учурумуну јарадыр, дәринләшдирир. Әдаләтсизлик нүмунәси кими гијмәтләндирылән аддымлар һакимијјәтдә јерләшдирилән алаг отларынын гол-будаг атмасына, “бурда мәнәм Бағдадда кор хәлифә” иддиасы илә өмүр сүрмәсинә, халга ашағылајыҹы нәзәрләрлә бахмасына сәбәб олур.
АИП олараг халгымызын тәмәл принсипләринә, ментал дәјәрләринә хас олмајан фикир вә дүшүнҹәләри рәдд едир, һәрәкәтләри писләјирик. Ҝүнаһсыз инсанларын тәгиб олунмасыны, һәбсдә сахланмасыны халгымыза гаршы, онун сағлам, вәтәнпәрвәр гүввәләринә гаршы гәсд кими гијмәтләндиририк
АИП Мәтбуат Хидмәти.
30.05.2012
Диггәт: Хәбәрдән истифадә етдикдә мәнбәјә истинад лазымдыр
