Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда һаким аиләнин диктаторлуғуна гаршы етираз далғалары сәнҝимир. Белә ки, Азәрбајҹан Демократ Партијасынын Мәтбуат хидмәти сон вахтлар, хүсусилә дә Евровисион мусиги јарышмасы әрәфәси вә ҝедиши әрзиндә президентин аилә үзвләринин КИВдә вә даһа чох рәсми телевизија каналларында тәблиғ едилмәсини, плакатларынын јајылмасы, онлара аид силсилә верилишләр һәср едилмәси фактларыны писләјән бәјанатла чыхыш едиб.
Бәјанатда дејилир:
"...Евровисион тәдбирин ҝедишиндә өлкә президентинин аилә үзвләринин рәсми телевизија каналларында тәблиғ едилмәси, тәдбирин әһәмијјәтиндән даһа чох онларын мүсбәт образынын ҹәмијјәтә тәгдим олунмасы етик-сијаси бахымдан дүзҝүн һесаб едилә билмәз.
Евровисион... дүнја дөвләтләринин мусиги јарышмасыдыр вә һеч бир дөвләт рәсмиси бу ҹүр бејнәлхалг... тәдбирләри инсан азадлыгларынын позулмасы һесабына өз аилә үзвләринин тәблиғи васитәсинә чевирмәмәлидир.
АДП Мәтбуат хидмәти өлкә башчысыны рәсми каналларда онун аилә үзвләринин тәблиғинә јөнәлән бу ҹүр спекулјасијалара сон гојмаға вә вәтәндашларын сәрбәст информасија алмаг, кечирилән тәдбирләри објектив шәкилдә изләмәк кими доғоал һүгугларына һөрмәтлә јанашмаға чағырыб."
Диггәт: Хәбәрдән истифадә етдикдә мәнбәјә истинад лазымдыр
