Әһли Бејт -АБНА- хәбәр аҝентлијинин “бизимјол”а истинадән вердији хәбәрә ҝөрә, Зәрдаб рајон иҹра һакимијјәтинин башчысы Лүтфәли Бабајевин оғлу Баба Бабајев Минҝәчевир шәһәриндә јол һәрәкәти гајдаларынын тәләбләрини кобуд шәкилдә позараг, өлүмлә нәтиҹәләнән гәза төрәдиб. Белә ки, Минҝәчевир Шәһәр 7 сајлы орта мәктәбин гаршысында мүәјјән едилән сүрәт һәддинин тәләбләрини позан Баба Бабајев пијаданы вуруб. Автомобилин сүрәт һәдди јүксәк олдуғундан пијада јериндәҹә кечиниб.
Лүтфәли Бабајев оғлунун төрәтдији әмәли јахын гоһумларындан биринин адына јаздырмаг истәјир. Белә ки, иҹра башчысынын гоһумларындан бири автомобили өзүнүн идарә етдијини вә һадисәнин өзү тәрәфиндән төрәдилдијини истинтага билдириб.
Әлагә сахладығымыз Минҝәчевир Шәһәр Полис Шөбәсиндән һадисәни тәсдигләдиләр. Полис шөбәсиндән пијаданы вуран автомобилин Бабајевләр аиләсинә мәхсус олдуғуну тәсдигләсәләр дә, автомобили кимин идарә етдијини ачыгламадылар.
Арашдырмаларымыз заманы ону да өјрәндик ки, вахтилә Минҝәчевирдә иҹра башчысы вәзифәсиндә ишләјән Лүтфәли Бабајев оғлунун ҹинајәт әмәлини өрт-басдыр етмәк үчүн јерли һүгуг-мүһафизә органларына да тәсир етдирир. Һәминин, јол гәзасында һәјатыны итирән јерли сакинин валидејинләрини дә «әлә алмаға» чалышса да, онлар Баба Бабајевин ҹәзаландырылмасында исрар едирләр.
Даһа бир хәбәр алдыг ки, Баба Бабајев үчүн Минҝәчевирдә јол һәрәкәти гајдаларыны позмаг, ајры-ајры вәтәндашлары дөјмәк ади һалдыр. Оғлунун бу һәрәкәти илә бағлы Лүтфәли Бабајевә телефон ачдыгда исә, иҹра башчысы бизә јашына вә статусуна ујғун олмајан формада ҹаваб верди. Гејд едәк ки, иҹра башчысынын дедикләри ҹүмләләр јазылмасы мүмкүн олмадығындан, ону гәләмә алмадыг. Мөвзуја гајыдаҹағыг.
Диггәт: Хәбәрдән истифадә етдикдә мәнбәјә истинад лазымдыр
