Әһли Бејт -АБНА- хәбәр аҝентлијинин вердији хәбәрә әсасән дини вә фикир ҝөрнүшләринә ҝөрә һәбс едилән Азәрбајҹан Ислам Һәрәкатынын сәдри, Ислам Партијасынын Баш Катиби, Доктор Мөвсүм Сәмәдов вә диҝәр Исламчыларын апеллјасија шикајәтинә бахылмасы тәхирә салыныб. Сәбәб вәкилләрин просесдә иштирак етмәмәсидир.
Бакы Апеллјасија Мәһкәмәсиндә исламчыларын шикајәти үзрә һазырлыг иҹласы мајын 26-на кечирилиб.
Исламазери сајтынын хәбәринә ҝөрә, бу ҝүнләрдә кечириләҹәк Абҝүл Сүлејмановун мәһкәмәси дә тәхирә салынб. Мәһкәмәнин тәхирә салынмасынын сәбәби Анар Гасымлынын вәкиллик мүддәтинин битмәси вә јени вәкилин тәјин олунмасыдыр.
Руһани Абҝүл Сүлејмановуну јени вәкили Рүстәм Зүлфүгаровдур. Вәкил руһанинин иши илә таныш олдугдан сонра мәһкәмә тәјин олунаҹаг.
Гејд едәк ки, Мај ајынын 11-и Ағыр Ҹинајәтләр Мәһкәмәсиндә руһани Һаҹы Абҝүл Сүлејмановун һазырлыг иҹласы кечирилмәли иди.
Диггәт: Хәбәрдән истифадә етдикдә мәнбәјә истинад лазымдыр
