Әһли Бејт -АБНА- хәбәр аҝентлијинин вердији хәбәрә әсасән Һолландијада мүхтәлиф сәбәбләрлә аиләләриндән алынараг “Ушаг Еви”ндә јерләшдирилән Мүсәлман ушаглара донуз әти једирилдији ортаја чыхды. Һолландијадакы Мүсәлманлар һөкүмәтинин бу гануна зидд тәтбигинә сәрт реаксија билдирди.
Һенҝело шәһәриндә игамәт едән Өзҝүл Ерјылдыз, јолдашындан ајрылдыгдан сонра мадди проблемләр сәбәбиндән ушагларына баха билмәдикләриндән 3 ил әввәл һөкүмәт тәрәфиндән “Ушаг Еви”нә ҝөтүрүлдүјүнү сөјләјиб. Өвладларына “Ушаг Еви”ндә донуз әти једирилдијини ифадә едән Ерјылдыз, "Исрарла бу ишин габағынын алынмасыны тәләб етмәјимә бахмајараг бу ганунсузлуға һәләдә давам едирләр. Бу вәзијјәти гәбул едә билмирәм. Сәлаһијјәтлиләрдән дәстәк ҝөзләјирәм."- дејә урәк ағрысы илә билдирди.
Өзҝүл Ерјылдызын Мустафа (9) вә Мәрд (7) адлы ушаглары 2009-ҹу илдә Ҝәнҹлик Бахым Мәркәзинә јерләшдирилиб. Ајда јалныз бир дәфә вә бир саатлыг ушаглар илә ҝөрмәсинә иҹазә ала билән кәдәрли ана, "Иш тапдығым тәгдирдә бир мүддәт сонра ҝери верәҹәкләрини сөјләмишләр. Лакин һазырда ишлә чалышдығым вә ушагларыма баха биләҹәјәими сөјләдијим һалда һәлә дә ушагларымы ҝери ала билмирәм. Өвладларымы мәнә гајтармырлар."- долуғсунараг деди.
Ушагларынын Түрк мәдәнијјәтиндән узаг јетишдирилдијини билдирән Ерјылдыз, "Мәгсәдләри ушагларымы мәндән гопармагдыр. Һаггым ола-ола вә 3 илдир исрар етмәјимә бахмајараг ушагларымы сүннәт етдирмәдиләр. Јемәк мөвзусунда һәссаслыгла давранмаларыны истәдијим һалда динләмәдиләр." һиддәтлә данышды.
Ерјылдызын вәкили Адәм Котан исә "Мәһкәмәдә вә диҝәр јазышмаларымызда аиләнин Мүсәлман олдуғу вә буна һәссаслыг ҝөстәрилмәсини истәмишдик. Бу һадисә илә бағлы мәһкәмәјә тәкрар мүраҹиәт едәрәк мөвзуну бир ан ичиндә дүзәлдилмәсини вә ушаглара донуз әти једирилмәмәсини истәдик. Мүсәлман мәншәли ушаглара донуз әти једирилмәси ганунла гадағандыр."- ачыгҹасына данышды.
Ҝәнҹлик Бахым Мәркәзи вә Ушаг Еви Мәркәзи исә сон заманларда ушагларына баха билмәјән Мүсәлман мәншәли аиләләрин артығыны ифадә етди. Ики мәркәзин сәлаһијјәтлиләри, Ерјылдыз аиләси илә әлагәдар мөвзунун мәһкәмәјә галдырдығы сүрәтдә бир изаһ верә билмәјәҹәкләрини сөјләиб.
Диггәт: Хәбәрдән истифадә етдикдә мәнбәјә истинад лазымдыр
