Әһли Бејт -АБНА- хәбәр аҝентлијинин вердији хәбәрә әсасән Тәбриз әһалиси чәршәнбә ахшамы ҝүнү бу шәһәрдә Бакыда һомосексуалларын парадынын кечирилмәсинә етираз олараг Азәрбајҹан Республикасынын Тәбриз шәһәриндәки консуллуғу гаршысында аксија кечирмәк нијјәтиндәдир.
Олајла бағлы Азәрбајҹан Республикасынын Тәбриздәки баш консулу Тәбризин Имам Ҹүмәси Ајәтуллаһ Мүҹтәһид Шәбистәри илә ҝөрүәрәк ондан Тәбриз әһалисинин Азәрбајҹан Республикасынын консуллуғу гаршысында етираз аксијасы кечирмәсинин гаршысыны алмасын хаһиш едибдир.Баш консулу Ајәтуллаһ Мүҹтәһид Шәбистәри илә ҝөрүшдә дејиб: "Азәрбајҹан Республикасынын хариҹи ишләр назиринин мүавини Теһрана сәфәр едәрәк, өзүнүн иранлы һәмкары илә ҝөрүшүб, данышыглар апараҹагдыр. Бу ҝөрүшдә ики өлкә арасындакы әлагәләрин ҝенишләндирилмәси һабелә јаранмыш јанлыш дүшүнҹәләрин һәлл едилмәси үзрә мәсәләләр арашдырылаҹагдыр"Азәрбајҹан Республикасынын баш консуллу Тәбриздә Азәрбајҹан Республикасынын консуллуғу гаршысында әһалинин аксија кечирәҹәји һагда јајылмыш хәбәрләрә ишарә едәрәк, дејиб: "Авровизија Мүсабигәсинин кечирилмәси, Азәрбајҹан Республикасы нүмајәндәләринин кечән илки мүсабигәләрдә галиб ҝәлмәсинин нәтиҹәси иди вә бу мүсабигәләр заманы гејләрин парад кечирмәси үчүн дә бир програм нәзәрдә тутулмајыб".Әли Әлизадә Ајәтуллаһ Мүҹтәһид Шәбистәринин Иран Ислам Республикасынын Шәрги Азәрбајҹан Останы әһалиси јанындакы севилдијинә ишарә едәрәк, дејиб: "Бизим сиздән аҹизҹәсинә истәјимиз будур ки, ҝөстәриш верәсиниз ки, бу һагда һеч бир аксија вә пикет кечирилмәсин"Ајәтуллаһ Мүҹтәһид Шәбистәри бу ҝөрүшдә ики өлкә арасында мөвҹуд олан дини, тарихи вә мәдәни ортаглыглара ишарә едәрәк, дејиб: "Бизим һамымызын мүсәлман олдуғумуза ҝөрә, мүсәлманлыг вәзифәси ваҹиб едир ки, әҝәр бизим өз өлкәмиздә вә ја гоншу өлкәләрдә Ислам ҝөстәришләринә гаршы бир һәрәкәт һәјата кечирилдији заман, өз етиразымызы билдирәк. Һомосексуализм мәсәләси мүгәддәс Ислам Дининдә ән чиркин әмәлдир".Имам Хаменеји һәзрәтләринин Иран Ислам Республикасынын Шәрги Азәрбајҹан Останындакы нүмајәндәси сонра дејиб: "Бу әмәлин Азәрбајҹан Республикасы дејил, башга бир Ислам өлкәсиндә дә баш версәјди, биз јенә дә кәскин шәкилдә ону писләјәрдик. Ҝеј-парадын бир мүсәлман өлкәсиндә кечирилмәси она рәваҹ верилмәси мәнасындадыр. Бу һәрәкәт исә Ислам дининин әсас ҝөстәришләри илә зиддир".Ајәтуллаһ Мүҹтәһид Шәбистәри сонра дејиб: "Тәбризин диндар әһалиси белә бир програмын Азәрбајҹан Республикасында тәдарүк ҝөрүлдүјүнү ҝөрдүкдә, тәәссүфләндикләрини билдирдиләр вә аксија кечирмәк истәји илә мүраҹиәт етдиләр. Мән әввәлдә мүхалифәт етдим вә Ҹүмә Намазы хүтбәләриндә бир хәбәрдарлыг вермәклә кифајәтләндим вә елан етдик ки, әҝәр бу хәбәрдарлыға диггәт едилмәзсә, аксија вә пикетләрин кечирилмәси илә разылыг едәҹәјик. Тәәссүфләр олсун ки, гејд едилән хәбәрдарлыгдан сонра Бакы Дөвләтинин Авровизија мүсабигәсини кечирмәк үзрә һазырлығы һагда мөтәбәр хәбәрләр јајылды вә биз шәри вәзифәмизә әсасән халгын истәји илә разылашдыг вә инди дә әҝәр Азәрбајҹан Республикасы дөвләти рәсми бир бәјанатла Геј-Парадын кечирилмәјәҹәјини тәсдиг едәрсә, биз халгдан истәјәҹәјик ки, аксија вә пикет кечирмәсинләр".Ајәтуллаһ Мүҹтәһид Шәбистәри сонда Гарабағ Мүнагишәсинә һабелә Шушанын ишғал едилмәсинин илдөнүмүнә ишарә едәрәк, бу мәнтәгәләрин ишғалынын давам етмәси һагда тәәссүфләндијини билдирәрәк, дејиб: "Биз һәмишә Азәрбајҹан Республикасынын әрази бүтөвлүјүнү һимајә етмишик вә ермәниләрин ишғалчылығыны да писләјирик. Бизим Азәрбајҹан Республикасы Дөвләтиндән истәјимиз будур ки, белә бир мәсәләләрлә мәшғул олмаг јеринә ишғал едилмиш мәнтәгәләрин фикриндә олсун". Диггәт: Хәбәрдән истифадә етдикдә мәнбәјә истинад лазымдыр
