Шушанын ишғалына матәм кечиртмәк әвәзинә ҝеј-парад гејд олунур

Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын Гадынлар Шурасы вә «Әсҝәр Аналарына Дәстәк» Иҹтимаи Бирлијинин сәдри Нөврәстә ханым Ибраһимова Шушанын дүшмән тапдағында олмасынын 20 иллији илә әлагәдар тәдбир кечирди.Тәдбири ҝириш сөзү илә ачан Нөврәстә ханым илк өнҹә бу ҝүнлә әлагәдар һамыја дәрин башсағлығы верди. Сонра исә инсанларымызын лагејидлијиндән данышды: «Торпаглдарымыз нечә илләрдир инилдијир. Бу инилтиләри мәнәви вә ҹисми дујғу илә дујмаг, Вәтән јолунда ҝедән шәһидләримизин руһуну шад еләмәк әвәзинә ҝөздән пәрдә асмаг үчүн илдә бир дәфә «филан јерин алынан ҝүнүдүр» дејилир. Һәлә үстәлик ағла, әхлага сығмајан һәрәкәтләрә дә јол верилир. Дүнјада ҝөзәллији илә икинҹи јери тутан чинар мешәли, сәфасындан ҝөзләр дојмаз Зәнҝиланы, фирузә, гызыл јатаглы, мәлһәмләри дахили вә хариҹи хәстәликләри сағалдан ҝөзәл Кәлбәҹәри, уҹа дағлар зирвәсиндә гарталларын ојлағы Лачыны, Азәрбајҹанын ҝөрән ҝөзү, вуран үрәји, ахан ганы, мирвари Шушаны, гәһрәманлары илә үн салан Губадлыны, ҝөзәл мәнзәрәли Ҹәбрајылы… әлдән вермәјинә бахмајараг, бу ҝүн шәнләнәрәк, тәмтәрагла «Авровизија» «севинҹини» халгына зорла јашаданлары ән азындан арсыз адландырмаг олар. Һалбуки гыз-ҝәлини ермәнинин әлиндә әсир ҝедән өлкәнин кишиләринин ҝәрәк ҝеҹәләри јухусу гачсын, ҝүндүзләри раһатлығы позулсун».Н.Ибраһимова халгымызын бүтүн бунары дүшүнмәк әвәзинә Азәрбајҹанын нә өзүнүн, нә торпағына, нә дә мәнсубијјәтинә јарашмајан ијрәнҹ бир парад кечирдилмәси үчүн ҝениш мејдан веридијини билдирди: «Дүнја гуруландан кишинин гејрәти биздә о гәдәр үстүн олуб ки, һәтта бәзән ханымларымызы тәрифләјәндә дә «гадын ләчәкли, киши гејрәтли» дејилиб. Инди гадынлыг һиссләри илә гүррәләнән «кишиләрә» мән Вәтәнә мәһәббәтдән даныша биләрәмми? Бир халг ки, бу бојда проблемләрин гаршысында мобил телефонла ојнамагла ҝүнүнү кечирә, «Авровизија»ја кимләрин ҝәләҹәјини биллә-билә бу тәдбирлә фәхр еләјә, биз белә инсанлара неҹә дејәк ки, Вәтән, намус әлдән ҝедиб? Бизим ән бөјүк бәламыз одур ки, мәнәви, намус јарасы бизләрдә тез сағалыр. Һалбуки, ҹисмимиздә бир балаҹа мәрәз оланда дөјмәдији һәкимин гапысы галмыр.Әсҝәр Аналарына Дәстәк ИБ сәдри торпагларымызын алынан ҝүнүндән Вәтән гејрәти олан оғланларымызын мәһв едилдијини, јоха чыхарылдығыны деди: «Јердә галды диндарларымыз. Һансы ки, һәм вәтәнимизин гејрәтини чәкдиләр, һәм дә ана –баҹыларымызын јајлығына әл атанларын гаршысыны алмаг үчүн әлләриндән ҝәләни етдиләр. Бу ҝүн Азәрбајҹанын ән ләјагәтли өвлдалрындан олан бу инсанлар мәһбәсдәдирләр. Амма јенә бизимлә фәхр едирләр, дејирләр бизи бурда шад еләмәк истәјирисинизсә, өз һагг сәданыздан ҝери галмајын».Бундан сонра сөз шәһид Садигин анасы Ајнур ханыма верилди. О, әввәлҹә Шушанын ишғалы ҝүнү статистик мәлумат верди. 10 саатлыг дөјүшдән, әсир дүшән вә бу ҝүнә гәдәр һаггында һеч бир мәлумат алынмајан 68 әсҝәримиздән данышды. Сонра ҝүнүмүздә «атәшкәс» дөврүндә шәһид олан баларымызы јадл еләди: «Бу ҝүн ана оғлу бөјүдүр ки, ҝетсин Вәтәни горусун. Амма һеч аз кечмиш ки, үстүнә ҹәназәси ҝәлир. Бу дедијими нәзәрә алмагданса, һөкумәт Авровизија мәдәнијјәтини нүмајиш еләјир. Нә дејим, Аллаһ инсанларымызы һидајәт еләсин».Ҝүлшән Мәммәдова гејрәтли оғулларымызын бир гисминин торпаг алтында, диҝәрләринин исә һәбсханада олдуғуну деди: «Амма һеч биримиз һеч нә едә билмирик. Бу инсанларын һамысы Вәтән јолунда, намус јолунда ҹанларыны фәда едибләр, Бизим бир чыхыш јолумуз галыб: Өвладларымызы Ислам руһунда, вәтәнпәрвәрлик севҝисијлә бөјүтмәлијик. Бу ҝүн әсҝәрләримизә зүлм едилир. Һалбу ки, онлара мәнәвијјат дәрси кечилмәли, гејрәт-намус анладылмалыдыр. Әҝәр белә оларса, неҹә ки, өтән срин 90-ҹы илләриндә гәһрәман өвладларымыз һеч нәјә бахмајараг, ҹанларыны фәда етдиләр, бу ҝүн дә еләҹә Гарабағымызы дүшмән тапдағындан азад едәрләр».Фатимә ханым гадынлары бирлијә чағырды: «Ән бөјүк мәсулијјәт биз аналарын үзәринә дүшүр. Нәјә ҝөрә дүшүнүрүк ки, биз гадыныг, сөз десәк, абрымыз ҝедәр. 20 ил әввәл ишғала мәруз галмыш торпағымызы јад етмәк үчүн матәм гејд еләмәк әвәзинә, бу ҝүн «Авровизија»ја һазырлашырыг. Әслиндә абрымыз мәһз бурда ҝедир».Сон олараг сөз Кәмалә Манафоваја верилди: «Нә гәдәр ки, белә ҝедир, биз торопагларымызы гајтара билмәјәҹәјик. Чүнки бу «јухарылара» сәрф еләмир. «Ҝеј парад» кечирән өлкә һансы гејрәтдән, намусдан даныша биләр?! Митингләрдә полисләримиз гадынларын јајлығына әл атырлар. Һеч бу Азәрбајҹанлыја јарашан ишдир? Бу ҝүн Азәрбајҹаны танытмаг үчүн «Авровизија» тәдбири кечирилир. Бу өзлүјүндә чох тәәссүф доғуруҹу һалдыр. Јахшы оларды ки, дүнја дөвләтләри бизи немәтләримизлә, мили ирсимизлә таныјајды» Диггәт: Хәбәрдән истифадә етдикдә мәнбәјә истинад лазымдыр