Әһли Бејт -АБНА- хәбәр аҝентлијинин вердији хәбәрә әсасән Таҹикистанда рәсми руһани идарәси илә мүнагишә һөкумәтин нүфузлу мүсәлман руһаниләринин мәсҹидләрдә хидмәтини гадаған етмәси илә нәтиҹәләнди.
Вәһдәт шәһәриндә рајон мәһкәмәси дини мәсәләләр үзрә гурумун Тураҹҹанзадә гардашлары барәдә иддиасыны тәмин едиб.Руһаниләрә 15-20 мин зијарәтчиси олан өз мәсҹидләриндә ҹүмә ајинләрини апармаг вә хүтбә охумаг гадаған едилиб.Хоҹа Әкбәр Тураҹҹанзадә мәсәләјә мүнасбәтдә гәрары «сијаси сифариш» адландырыб: «Биз гәрара етираз етмәјәҹәјик. Чүнки мәһкәмә гурумлары һөкумәтин ирадәсиндән асылыдыр вә әдаләтли гәрар ҝөзләмәјин дә јери јохдур. Гејри-рәсми сурәтдә бизә билдирилди ки, ујғун директив «јухарыдан» верилиб».Гејд едәк ки, «Муһаммәдијә» мәсҹиди Тураҹҹанзадә гардашларынын һөкумәти вә онун әлалтылары олан руһаниләри ҹидди тәнгид едән хүтбәләри сајәсиндә өлкәдә хејли нүфуз газаныб.Һоҹа Әкбәр Тураҹҹанзадә һәм дә сијаси хадимди. О, 1992-1997*ҹи илләрдә Таҹикистан Бирләшмиш Мүхалифәтинин лидерләриндән олуб.Рәсмиләрлә руһаниләр арасында сон 10 илдә ән ҹидди мүбаһисә исә сүнни мәсҹидиндә Ашура ҝүнү Һәзрәт Мүһәммәдин нәвәси Имам Һүсејнин әзадарлығыны кечирилдији үчүн јашаныб. Үләмалар Шурасы һөкумәтә мүраҹиәт едәрәк шиә ајинләринин сүнни мәсҹидиндә кечирилмәсинә етираз едибләр.Мүшаһидәчиләрин сөзләринә ҝөрә, Таҹикистан һөкумәти сон илләрдә вәтәндашларын дини һәјатыны өз нәзарәтләринә ҝөтүрмәк истәјирләр. Диггәт: Хәбәрдән истифадә етдикдә мәнбәјә истинад лазымдыр
