Әһли Бејт -АБНА- хәбәр аҝентлији- Ҝәнҹә Руһаниләрин Мүдафиә Групунун үзвү вәкил Елчин Намазовун мәлуматына ҝөрә, Дүнән Ҝәнҹә шәһәриндә һәбс олунмуш диндар Илһам Әләкбәровун мәһкәмә просеси кечирилиб.
Ҝәнҹәли диндар диҝәр мүсәлман гардашлары кими мөвҹуд режим тәрәфиндән Ҹинајәт Мәҹәлләсинин 221.3 маддәси илә шәррләнилир.
Илһам Әләкбәров Азәрбајҹан Ислам Партијасынын Ҝәнҹә Шәһәр Шөбәсинин сәдри Јусиф Әләкбәровун гардашыдыр.
Е.Намазов ону да гејд едиб ки, Ҝәнҹәли руһани алим Һөҹҹәтүл Ислам Асәф Әлијевин дә иши мәһкәмәјә ҝөндәрилиб. Лакин мәһкәмә просесинин кечириләҹәји ҝүн мүәјјән едилмәјиб.
Һөҹҹәтүл Ислам Асәф Әлијев дә диҝәр һәмкарлары Һөҹҹәтүл Ислам Фәхри Исајев вә Һөҹҹәтүл Ислам Азәр Ҹәбијев кими әлијевләр режиминин ҝүҹ структурлары тәрәфиндән Ҹинајәт Мәҹәлләсинин 221.2 маддәси илә шәррләнәрәк иттиһам олунур.
Үмумиликдә бу ҝүнә кими Ҝәнҹәдә үч Һөҹҹәтүл Ислам дәрәҹәли руһани вә үч садә диндар режим тәрәфиндән хулиганлыгда шәрләнәрәк һәбс едилиб
Диггәт: Хәбәрдән истифадә етдикдә мәнбәјә истинад лазымдыр
