Әһли Бејт -АБНА- хәбәр аҝентлијинин вердији хәбәрә әсасән Инҝилтәрә шаһзадәси «Пренс Чарлес» бир даһа Мүсәлманларын һаггларындан мүдафиә етди.
О, Охфордун Ислам Арашдырма Мәркәзиндә “Ислам вә Тәбиәт” адлы мөвзусу илә вердији мәрузәсиндә инҝилтәрәли Мүсәлманлардан һимајәт едәрәк билдирди: “Бүтүн Динләрдә хүсусән дә Ислам дининин тәлимләриндә тәбиәтин бәшәр әли илә корланмасы тәнгид едилмишдир. Гурани Кәримдә дә Инсанла Тәбиәтин гаршылыглы әлагәләринин мөһкәмләнмәсинә хүсуси тәкидләр олунур.”
Шаһзадә мәрузәсинин давамында тәкидлә демишдир: “Гуран бизә Тәбиәтә гаршы мүкәммәл бир дүнја ҝөрүшү верир. Буну Гуранын мүхтәлиф ајәләриндә ашкар ҝөрмәк мүмкүндүр.”
Гејд едәк ки, Пренс Чарлес өнҹәләрдә дә Мүсәлманларын һаггларындан һимајәт едәрәк демишдир: “Артыг Мүсәлман Ҹәмијјәти Инҝилтәрә иҹтимаијјтинә гарышараг ваһид бир Британијаны тәшкил едир. Биз мүтләг онлардан иҹтимаи фәалијјәтләрдә истифадә етмәлијик. Онларын мәдәнијјәтини рәдд етмәмәлијик.”
Хатырладаг ки, шаһзадә Чарлезин бу ҹүр чыхышларынын ардыјҹа Инҝилтәрәдә бәзи медија вастәләри ону мүсәлман олмагда иттиһам едәрәк демишләр: “Пренс Чарлес мүсәлман олуб. Лакин о буну ҝизләдир”.
Диггәт: Хәбәрдән истифадә етдикдә мәнбәјә истинад лазымдыр
