Әһли Бејт -АБНА- хәбәр аҝентлијинин вердији хәбәрә әсасән Австријанын "Die Presse" гәзетиндә јени мәгалә дәрҹ едилир.
Гәзет Азәрбајҹан автократы Илһам Әлијеви Бәһрејн кралына бәнзәдир. Кечән ил „Формула 1“ машын јарышы Бәһрејндә кечириләндә утанмадан дедиләр ки, биз башга өлкәләрин сијасәтинә гарышмырыг“.
„Формула 1“ јарышы баша чатан кими Бәһрејн кралы Һәмад әл Хлифә өлкәдә демократија һәрәкатыны дармадағын етди. Онларла нүмајишчи өлдүрүлдү, јүзләрлә инсан һәбсә атылды, ишҝәнҹәјә мәруз галды…Тәгибләр бу ҝүн дә давам едир. Кралын вәд етдији ислаһатлар унудулду.
Гәзет јазыр: Бу ики деспот (Бәһрејн кралы вә Бакы автократы) идмандан мусиги мүсабигәсиндән өзләрини тәблиғ етмәк үчүн истифадә едирләр. Тарихә бахын. 1936-ҹы илдә Һитлер режиминин сијасәтинә мәһәл гојмадылар. Олимпиа ојунлары Берлиндә кечирилди. Олимпиада ҝүнләриндә „Јәһудиләрә ҝирмәк гадағандыр!“ јазыларыны дүканларын үстүндән мүвәггәти јығышдырдылар. 2008-ҹи илдә хәјалпәрәстләр инанырдылар ки, Олимпиа ојунларынын Пекиндә кечирилмәси Чиндә сијаси дөнүшүн тәмәлини гојаҹагдыр. Хәјал хәјал олараг галды.
Австрија гәзети сонра гејд едир ки, мәсәлә о гәдәр дә бәсит дејилдир. Бөјүк идман ојунлары вә „Еуровисион“ кими маһны мүсабигәләри јалныз диктаторлар үчүн јох, ејни заманда инсан һүгугларыны мүдафиә едән тәшкилатлар үчүн бир сәһнәдир. Бу ҹүр һадисәләр Бәһрејн вә ја Азәрбајҹанда јаранмыш вәзијјәтдән ачыг данышмаға, дүнјаја бу өлкәләрдәки вәзијјәти нүмајиш етдирмәјә шәраит јарадыр.
Диггәт: Хәбәрдән истифадә етдикдә мәнбәјә истинад лазымдыр
