Әһли Бејт -АБНА- хәбәр аҝентлијинин вердији хәбәрә әсасән Тәбризин имам ҹүмәси Ајәтуллаһ Мүҹтәһид Шәбүстәри бу һәфтәки ҹүмә намазынын хүтбәләриндә Азәрбајҹан Республикасынын сон анти-Ислам һәрәкәтләринә ишарә едәрәк, деди: "Азәрбаҹан Республикасы әһалисинин әксәријјәтинин мүсәлман олмасына бахмајараг, тәәссүфләр олсун ки, һөкумәт тәрәфдән исламофобја һәр ҝүн бәркијир, Исраил вә Америка ҝөстәришләри орада иҹра олунур".
Шәрги Азәрбајҹан әһалисинин Хубриган Мәҹлисиндә нүмајәндәси мүсәлман бир өлкәдә тәһсил олҹагларында һиҹабын гадаған олмасыны тәнгид едәрәк артырды: "Бу мүсәлман өлкәсиндә мәсҹидләр дағыдылыр, дини мүбәллиғләрин езамынын гаршысы алыныр".
Ајәтуллаһ Шәбүстәри хүтбәләринин давамында деди: "Бу ҝүнләри Азәрбајҹан Республикасы бејнәлхалг ҹасус идарәләринин, әсасән дә Моссадын фәалијјәт мәркәзинә чеврилмишдир. Сон вахтлар Бакы һакимијјәти тәгрибән 6 милјон манат мәбләғиндә "Еуровисион" мүсабигәсинин кечирилмәси үчүн пул хәрҹләмишдир. Һалбуки, бу өлкә әһалисинин әксәријјәти јохсуллуг ичиндә јашајыр".
Тәбризин имам ҹүмәси Азәрбајҹанда кечириләҹәк "Еуровисион" мүсабигәси вә ҝеј-парадатохунараг деди: "Бу өлкә мусиги вә рәгс мүсабигәсинә һазырлашыр вә бу мүсабигә илә јанашы дүнјанын мүхтәлиф бөлҝәләриндән, әсасән дә сионист режимдән ҝәләҹәк һомосексуалларын парадыны тәшкил етмәк истәјир. Бу һәрәкәтин һәддән артыг чиркин олмасына диггәт етмәклә Бакы дөвләтинин бу гәрары дүнја мүсәлманларынын гәлбини јараламышдыр".
Вәлијји-фәгиһин Шәрги Азәрбајҹанда нүмајәндәси деди: "Үмидварам ки, Азәрбајҹан өлкәсинин рәһбәрләри мүсәлман өлкәләринин бу мүсабигә барәдәки ниҝәранчылығыны дәрк едәҹәкләр".
Шәрги Азәрбајҹан әһалисинин Хубриган Мәҹлисиндә нүмајәндәси билдирди: "Биз Тәбриз әһалиси Азәрбајҹан Республикасы һөкумәтинә хатырладырыг ки, анти-Ислам һәрәкәтләриндән әл чәксин. Бу вәзијјәт давам етдији сурәтдә өлкәмизин башчыларындан истәјәҹәјик ки, Азәрбајҹанла мүнасибәтләринә јенидән бахсынлар".
Диггәт: Хәбәрдән истифадә етдикдә мәнбәјә истинад лазымдыр
