Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын әрази бүтөвлүјүнү суал алтына салан Бирләшмиш Әрәб Әмирлијинин ујдурма ада иддиалары илә бағлы АБШ дөвләт департаментинин сөзчүсүнүн мүавинин мүнасибәт билдирмәсинә етираз олараг Исвечрәнин Теһрандакы сәфири Иран Ислам Республикасы Хариҹи Ишләр Назирлијинә чағырылыб.
Ислам Республикасынын Президенти Маһмуд Әһмәдинежадын Әбу Муса адасына сәфәри илә бағлы АБШ рәсмисинин фикир билдирмәси илә бир даһа Иран Ислам Республикасынын дахили мәсәләләринә мүдахилә етмишдир.
Иран Ислам Республикасынын Хариҹи Ишләр Назирлијинин Шимали Америка үзрә бөлмәсинин рәһбәри Исвечрә сәфиринә билдирилиб ки, диҝәр адалар кими Әбу Муса да ИИР-на аиддир вә Президент Маһмуд Әһмәдинежадын бу адаја сәфәри өлкәдахили сәфәри чәрчивәсиндәдир: “Одур ки, АБШ дөвләт департаментинин рәсмисинин мәсәлә илә бағлы мүнасибәт билдирмәси Иран Ислам Республикасынын дахили ишләринә гарышмагдыр”.
Ислам Республикасынын ХИН-дән мәсәлә илә бағлы АБШ-ын изаһат вермәси истәнилиб. Исвечрәнин сәфири дә бу сөзләри АБШ-а чатдыраҹағыны билдириб.
Гејд едәк ки, АБШ Иран Ислам Респуликасы илә дипломатик мүнасибәтләрини 1979-ҹу илдә Иранда Ислам Һакимијјәтинин ҝерчәкләндији заман кәсиб вә һазырда бу өлкәнин Ислам Республикасында мәнафејини Исвечрә сәфирлији тәмсил едир.
Диггәт: Хәбәрдән истифадә етдикдә мәнбәјә истинад лазымдыр
