Әһли Бејт -АБНА- хәбәр аҝентлијинин вердији хәбәрә әсасән бу ҝүн сәһәр Ҹәлилабад шәһәриндә дини кәсимдә принсипиал бир диндар кими танынмыш Нәзәров Азәр Мирзаға оғлу һәбс едилиб. Ссенари МТН форматында тәкрарланыб. Ҝәнҹ диндарын евинә силаһ атылыб вә Бакыдан ҝәлмиш әмәлијјат групу ганунсуз силаһ иттиһамы илә А. Нәзәрову Бакыја апарыб.
Кимдир Азәр Нәзәров? Ону даһа чох мәрһум атасы илә таныјырлар. Мәрһум Мирзаға мүәллим тәкҹә Ҹәлилабад јох, республика сәвијјәсиндә танынмыш кимја мүәллими иди. Мирзаға мүәллимин өвладлары Ҹәлилабадда әхлаглы, тәмиз, һаггы дејән инсанлар кими таныныб. Азәр Нәзәров вахты илә Теһран Тибб Академијасына имтаһан верәрәк јүксәк балла гәбул олунуб. Амма… Бу уғур даим мавиләрин, коррупсионерләрин, олигархларын тәһлүкәсизлији илә мәшғул олан МТН-и нараһат едиб. Һеч бир әсас ҝөстәрилмәдән Азәр Нәзәровун хариҹи паспорту алыныб вә она гоншу өлкәдә тәһсил алмаг гадаған едилиб. Бу һадисә Азәр Нәзәровун һакимијјәтә бахышларында өз сөзүнү дејиб. Мүхалифәтчи-диндар А. Нәзәров дини кәсим арасында сөзүнү дејән, өлүмүндән чәкинмәјән бир ҝәнҹ кими таныныб.
Редаксијамыза дахил олмуш мәлумата әсасән, 3 ај өнҹә Азәр Нәзәров МТН-нин әмәкдашлары тәрәфиндән һәдәләниб, она “саламат галмаг истәјирсәнсә өлкәни тәрк ет” әмри верилиб. Азәрин ҹавабы гәти олуб: “Өлдүрүн, бу мәним үчүн даһа шәрәфлидир!”
Азәр Нәзәров ҝәнҹләр арасында Еуровисион кими әхлагсыз тәдбирләрин маһијјәтиндән данышмагдан чәкинмәз, һиҹаб гадағасы илә бағлы һакимијјәти тәнгид едәрди. Бу ҝүн онун евиндән силаһ чыхарылмасы кимсәни тәәҹүбләндирмәјиб. Артыг һамы билир ки, МТН-нин иши будур. Онларла вәһаби дилиндә данышмаг лазымдыр, инсан дилиндә јох.
Азәрбајҹан һөкумәти, Әлијев режими һәр ҝүн, һәр саат бу халгы тәмсил етмәк ләјагәтиндән узаглашыр. Бу аилә һакимијјәтә гајыданда Гәрб мәтбуатында “Пиратлар дәнизә чыхыр” кими мәгаләләр сәс-күј салмышды. Һамы билирди ки, болшевик әсилли КГБ ҝенералы Һејдәр Әлијев демократија дејилән бир һәгигәтлә ејни ҹинсдән дејил. Амма јенә садәлөһв халг иллүзијалара гапылды, үмид етди ки, болшевик шинелиндән чыхмыш бир диктатор дәјишиб вә халга хидмәт етмәк фикриндәдир. Амма бу гајыдыш ејнән “Түлкү һәҹҹә ҝедир” ҹизҝи филмини хатырладырды. Әлијевин гајыдышы јениҹә ҹүҹәрмәкдә олан демократик дәјәрләри експоната чевирди. Өлкәдә полис режими гурулду. Ҝүҹ структурлары халгы, торпаглары, асајиши горумалы икән Әлијевләрин кешикчисинә чеврилди.
Тәкҹә сон ики илдә баш верән һадисәләр, сифаришли гәтлләр, сифаришли һәбсләр, сифаришли тәгибләр бу режимин һеч заман дәјишмәјәҹәјинә сүбутдур.
Азәрбајҹан! Сән бу ҝүн дәниз кәнарында бөјүк һәбсхананы хатырладырсан! Милјонларын ҹан вердији бир һәбсхана!
Диггәт: Хәбәрдән истифадә етдикдә мәнбәјә истинад лазымдыр
