Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Ојаныш Һәракаты Лидери Доктор Мөвсүм Сәмәдов вә онунла јанашы 2011-ҹи илин октјабрында режим тәрәфиндән гондарма иттиһамларла мәһкум олунмуш исламчыларын шикајәтинә бахылаҹағ вахт бәлли олуб.
Шикајәтә апрелин 26-да Бакы Апеллјасија Мәһкәмәсиндә бахылаҹаг.
Гондарма иттиһамлар илә Шәрләнән исламчылар Бакы Ағыр Ҹинајәтләр Мәһкәмәсинин әдаләтсиз һөкмүндән апеллјасија шикајәти верибләр.
Бу арада өтән илин август ајынын 11-и режимин ҝүҹ структуру сајылан МТН-нин муздурлары тәрәфиндән сахланылан Рамин Бајрамов 8 ајдан сонра Күрдәханыда јерләшән 16 сајлы ҹәзачәкмә мүәссисәсинә көчүрүлүб. Исламчы журналистин барәсиндә Хырдалан Рајон мәһкәмәси 1 ил 6 ај һәбс ҹәзасы тәјин етмишдир.
14 апрелдә исә Бинәгәди рајон мәһкәмәсиндә Милли-Мәнәви Дәјәрләр Иҹтимаи Бирлијинин сәдри Һаҹы Меһди Мәммәдовун нөвбәти мәһкәмәси кечирилиб.
Режимин тәјин етдији һаким Һаҹы Меһди Мәммәдовун истинтаг мүддәтинин даһа бир ај узадылмасына гәрар вериб.
Феврал ајында Ҝәнҹәдә һәбс олунан диндар Мәшһәди Илһам Әләкбәров вә Һөҹҹәтул Ислам Һаҹы Асәф Әлијевин истинтагы исә артыг јекунлашыб. Вәкил Немәт Кәримлинин вердији мәлумата ҝөрә, артыг мүдафиә тәрәфи Мәшһәди Илһам Әләкбәровун иш материаллары илә таныш олуб вә апрелин 14-дән исә Асәф Әлијевин иш материаллары илә таныш олмасына старт верилиб.
Диггәт: Хәбәрдән истифадә етдикдә мәнбәјә истинад лазымдыр
