Хәбәр вердијимиз кими бир нечә ҝүн бундан өнҹә илһаијјатчы алим Абҝүл Сүлејманова гаршы нөвбәти иттиһамлар ирәли сүрүлүб. Бундан өнҹә наркотик вә силаһ сурсат сахламагда иттиһам олунан илаһијјатчы, бу дәфә дә нифрәт вә дүшмәнчилик јаратмагда сучланыр. Она гаршы сүрүлән иттиһамларын һамысыны нәзәрә алсаг, Абҝүл Сүлејманов үмумиликдә нечә ил азадлыгдан мәһрум едилә биләр? Мөвзу илә бағлы Абҝүл Сүлејмановун вәкили Анар Гасымлыја мүраҹиәт етдик.
Вәкил вердији ачыгламасында гејд едиб ки, иттиһамларын һамысы әсассыз олдуғуна ҝөрә, бунунла бағлы һәр һансы бир ҹаваб вермәк истәмир: "Она гаршы ирәли сүрүлән иттиһамларын һамысы әсассыздыр. Она ҝөрә дә бунунла бағлы һәр һансы бир ачыглама вериб, иҹтимаи рәји чашдырмаг истәмирәм. Јеҝанә олараг буну дејә биләрәм ки, бүтүн бу маддәләрлә Абҝүл Сүлејманова бәраәт дүшүр."
Сонра Анар Гасымлы гејд етди ки, мән бир вәкил олараг һесаб едирәм ки, Абҝүл Сүлејманова һеч 1 ил дә иш дүшмүр.
Хатырладаг ки, мөвҹуд әлијевләр режими Абҝүл Сүлејманова гаршы үмумиликдә Ҹинајәт Мәҹәлләсинин 234.4.3-ҹү (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) 283.2.1 (Зор тәтбиг етмәклә вә ја зор тәтбиг етмә һәдәси илә төрәдилдикдә милли, ирги, сосиал вә ја дини нифрәт вә дүшмәнчилијин салынмасы) вә 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләри илә ШӘРРЛӘЈӘРӘК иттиһам иреәли сүрүрләр.
Диггәт: Хәбәрдән истифадә етдикдә мәнбәјә истинад лазымдыр
