Әһли Бејт -АБНА- хәбәр аҝентлијинин вердији хәбәрә әсасән АТӘТ вә Авропа Шурасы (АШ) Азәрбајҹанда кечириләҹәк бәднам “evrovision” маһны јарышмасынын бојкот едилмәсинә даир бәзи инсан һаглары тәшкилатларынын вә фәалларынын чағырышларына гаршы чыхыб. Авропада инсан һаглары үзрә бу ики ән ири тәшкилатын рәсмиләри билдирибләр ки, јарышманын бојкот едилмәси Азәрбајҹанда инсан һаглары саһәсиндә мөвҹуд олан проблемләрә көмәк етмир.
Ирландијанын “İrish Тimes” гәзетинин јаздығына ҝөрә, АШ баш катиби Турборн Јагланд вә АТӘТ-ин сөз азадлығы үзрә нүмајәндәси Дунја Мијатович бу мөвгедән чыхыш едирләр. Хатырладаг ки, Ирландија бу ил АТӘТ-ә сәдрлик едир.
Гәзет хатырладыр ки, бејнәлхалг инсан һаглары груплары Азәрбајҹанда инсан һагларынын вәзијјәтиндән ҹидди нараһатлыг ифадә едәрәк бу өлкәдә журналистләрин вә етиразчыларын, һакимијјәтә гаршы нүмајишләрә гошулан мусигичиләрин һәбсини писләјибләр. Бу бәјанатлар исә бир сыра азәрбајҹанлы диссидентләрин “evrovision” маһны јарышмасынын бојкот едилмәсинә даир чағырышларынын чәкисини артырыб.
Мәгаләдә хатырладылыр ки, “Human Rights Watch” тәшкилаты Азәрбајҹан һакимијјәтини “evrovision” јарышмасы үчүн тикилән аренанын әтрафындан онларла аиләни зорла көчүрмәкдә иттиһам едиб. “Сәрһәдсиз репортјорлар” тәшкилаты исә һаким елитанын коррупсија әмәлләриндән јазан журналистләрә гаршы кампанијаны писләјиб. Лакин буна бахмајараг АТӘТ вә АШ маһны јарышмасынын бојкот едилмәси идејасына гаршыдыр.
“Мән Азәрбајҹанда инсан һагларынын вә ифадә азадлығынын вәзијјәтиндән нараһатам, лакин ”evrovision" јарышмасы бу мәсәләни галдырмаг вә дебатлар апармаг үчүн бир имкандыр" - дејә АШ баш катиби Турборн Јагланд “İrish Тimes”ә ачыгламасында билдириб.
АТӘТ-ин сөз азадлығы үзрә нүмајәндәси Дунја Мијатович дә Ирландија гәзетинә ачыгламасында ејни мөвгедә олдуғуну дејиб: “Биз гапылары бағламалы дејилик. Әксинә, бизим тәшкилатлар проблемләрин мөвҹуд олдуғу ҹәмијјәтләрдә өндә ҝетмәлидир. Истәнилән бојкот сөз азадлығынын диҝәр јөндән мәһдудлашдырылмасы оларды”.
Д.Мијатович әлавә едиб ки, Азәрбајҹандакы вәзијјәт онун офисинин програмында јүксәк јери тутур: “Бизим бу өлкә илә бағлы һәгигәтән проблемләримиз вар, өзү дә проблемләр һәр ҝүн баш верир, һәр ҝүн дә изләнилир”.
Бу арада “Amnesty İnternational” бејнәлхалг инсан һаглары тәшкилаты бәднам “evrovision” әрәфәсиндә Азәрбајҹан һәбсханаларында олан, бу тәшкилатын виҹдан мәһбуслары кими таныдығы фәалларын азадлыға бурахылмасы јөнүндә ики бөјүк кампанија башладаҹағыны ачыглајыб. Кампанијалардан бири бәднам “evrovision” јарышмасынын кечмиш иштиракчыларынын Азәрбајҹанда сөз азадлығы уғрунда бирләшмәсини нәзәрдә тутур.
Тәшкилат билдирир ки, Данимарка, Финландија, Исландија, Һолландија, Норвеч, Полша, Украјна вә Бөјүк Британијадан олан кечмиш бәднам “evrovision” иштиракчылары бу кампанијаја имза атыб. Кампанијаја гошуланлар арасында Болгарыстан, Алманија вә һәтта Азәрбајҹанын өзүндән олан мусигичиләр дә вар.
“Amnesty İnternational” тәшкилатындан “Американын сәси”нә верилән мәлумата ҝөрә, гурум 2012-ҹи ил бәднам evrovision мусиги мүсабигәсинә ев саһиблији едәҹәк Азәрбајҹанда репрессијалар барәдә интерактив мәлумат јајмағы планлашдырыр. Бундан башга тәшкилат Азәрбајҹан рәсмиләрини ифадә азадлығына һөрмәт етмәјә чағыран Тwittеr кампанијасы да кечирәҹәк. “Amnesty İnternational” билдирир ки, бәднам “evrovision” мүсабигәсинин бәзи кечмиш галибләри дә дахил олмагла Авропадан бир чох мусигичи Азәрбајҹан һөкумәтини ифадә азадлығына һөрмәт етмәјә чағыран кампанијасына гошулаҹаг.
“Amnesty İnternational”ын Азәрбајҹан үзрә кампанија координатору Макс Такер бәднам “evrovision” мүсиги мүсабигәсинин сәрбәст ифадәни тәблиғ етдијини вә тәшкилатчыларын медиа азадлығыны мүдафиә етдијини билдирир: “Азәрбајҹан Авропада медиа вә ифадә азадлығы илә бағлы ән пис мүһитләрдән биринә маликдир. Садә азәрбајҹанлылар сон 20 илдә сәрбәст шәкилдә даныша билмир вә горху атмосфериндә јашајырлар”.
Азәрбајҹан һөкумәтинин бднам “evrovision-2012"ни кечирмәк үчүн милјонларла доллар хәрҹләдијини дилә ҝәтирән М.Такер өлкәнин бу мүсабигәнин уғурлу олмасына чалышдығыны билдириб: ”Буна ҝөрә аз мүддәт галмасына бахмајараг Авропа Јајым Бирлијинин әлиндә һөкумәтдән ифадә азадлығына һөрмәт етмәји тәләб етмәси үчүн уникал фүрсәт вар. Бу, бу илки мүсабигәнин ән бөјүк уғуру ола биләр".
М.Такер “Американын сәси”нә мәлумат вериб ки, һәр ики кампанија апрел ајынын 2-дә - кечән илин јазында динҹ нүмајишчиләрин һәбс едилмәсинин илдөнүмү ҝүнү башланаҹаг. Тwittеr кампанијасы тәхминән 1 һәфтә давам едәҹәк. Интерактив веб бөлмә исә “Еуровисион” мүсабигәсинин кечириләҹәји вахтадәк мөвҹуд олаҹаг. М.Такер кампанијаја һансы мусигичиләрин гошулаҹағыны ачыгламајыб, јалныз ону дејиб ки, апрелин 2-ни ҝөзләмәк лазымдыр.
Диггәт: Хәбәрдән истифадә етдикдә мәнбәјә истинад лазымдыр
