Әһли Бејт -АБНА- хәбәр аҝентлијинин вердији хәбәрә әсасән 29 март саат 4 – 5 радәләриндә Түркијәнин Баш Назири Рәҹәб Тәјјиб Әрдоған онунла бирҝә Теһрана дахил омуш һејт үзүвләрилә Ислам Республикасынын Мәшһәд Шәһәриндә, Имам Рызанын (әлејһис сәлам) һәрәминдә Дүнја Мүсәлманларынын Лидери Имам Хаменеји һәзрәтләри илә ҝөрүш кечиртмишдир.
Ҝөрүшдә Имам Хаменеји ҹәнаблары билдирмишләр: Иран Ислам Республикасы Түркијә илә олан әлагәләрин ҝенишләнмәсинә исрарлыдыр. Һәр заман мүхтәлиф мәсәләләрдә бу ики дөвләтин нәзәри үст-үстә дүшмүшдүрсә нәтиҹәдә Түркијә, ИИР-сы вә еләҹә дә Ислам Дүнјасы онун хејрини ҝөрмүшдүр.
Дүнја Мүсәлманларынын Лидери һәр ики өлкәнин мөвҹуд потенсиалларына хүсуси илә нефт вә газа ишарә едәрәк Ислам Республикасынын дүнјада нефт вә газ еһтијатлары үзрә ән зәнҝин дөвләт олдуғуну хатырладараг еләҹә дә мөвҹуд олан һәссас мәсәләләрә ишарә едәрәк билдирди: “Әлһәмду лиллаһ! Бу ҝүнәҹән әтраф мәнтәгдә баш верән һадисәләр Ислам вә Мүсәлманларын хејринә тамамланмышдыр, бундан сонра да белә олаҹагдыр. Һазыркы шәраиттдә ән әсас мәсәлә “Мүстәгил Өлкәләр”ин доғру гәрарлар гәбул етмәләридир.”
Имам Хаменеји һәзрәтләри дүнјаја дүчар олмуш гүдрәтләрин хүсуси илә дә АБШ-ын әтраф мәнтәгә дөвләтләринә “аләт” ҝөзү илә бахмасына ишарә едәрәк деди: “Америкалылар һеч бир халгы мүстәгил вә азад халг үнванында гәбул етмир. Онлар бүтүн дөвләтләр илә бу хошаҝәлмәз рәфтарлары јүрүдүрләр. Елә буна ҝөрә дә бүтүн верилән гәрарларда мүтләг “Ислам Өлкәләри”нин хејри нәзәрдә тутулмалыдыр”.
Имам Хаменеји ҹәнаблары даһа сонра Түркијә һакимијјәтиндә бир сыра Исламмејилли сијасәтчиләрин баш вәзифәләрдә јер тутдугларына ишарә едәрәк билдирди: “Түркијәдәки һазыркы вәзијјәт һечдә АБШ вә Гәрб дүнјасы үчүн үрәк ачыҹы дејилдир. Лакин бизим үчүн исә “Мүсәлман Гардашларымыз”ын Түркијәдә гүдрәт башында олмасы хејли севиндириҹи бир һалдыр”.
Дүнја Мүсәлманларынын Лидери Сурија мәсәләс һаггда исә данышаркән билдирди: “Иран Ислам Республикасы Суријадакы дурум һаггда АБШ тәрәфиндән верилән һәр һансы бир лајиһә илә кәскин сүрәтдә мүхалифдир. Иран Ислам Республикасынын Суријадан һимајәт етмәси исә бу өлкәнин сионист исраил режими гаршысында дајанмыш “Фәләстин Мүгавимәт Һәрәкаты”ндан һимајә етмәси илә бағлыдыр. Вә һәр һансы бир хариҹи гүввәләрин Сурија өлкәсинин дахили ишләринә дәхаләт етмәси илә дә сәрт мүхалифдир. Лакин бунунла белә Ислам Дөвләти һәр ан Суријада ҝедән ислаһатлары дәстәкләмиш вә бу ҝедишатын даһа да инкишаф етмәсинин тәрәфтарыдыр.”
Бу ҝөрүшдән олдугҹа мәмнун галан Түркијә Баш Назири Рәҹәб Тәјјиб Әрдоған билдирди: “Дүнја Мүсәлманларынын Лидери Имам Хаменеји илә ҝөрүшмәјим мәним үчүн севиндириҹи бил һалдыр. Түркијә Иран Ислам Республикасы илә ән гәдим тарихи әлагәләрә маликдир. Биз ики олкәнин тарихи әлагәләрини нәзәрә алдыгда әмин олуруг ки, мүтләг бу ики өлкәнин әлагәләри хүсуси илә дә Инфраструктур әмәкдашлығына даһа да диггәт јетирмәлијик.”
Рәҹәб Тәјјиб Әрдоған Түркијә дөвләтинин Иран Ислам Республикасы илә әлагәләрин ҝенишләнмәсинин хүсусилә енержи саһәсиндә олан мүнасибәтләрин чохалмасынын арзусунда олмасыны билдирәрәк Јахын Шәрг Өлкәләриндә баш верән һадисәләрә тохунараг билдирди: “Әтраф Мәнтәгә Өлкәләри чох чәтин бир шәраит илә үзләшмишдир. Үмүд едирик бу һәсса дөвраны өтүб кечә биләк”.
Диггәт: Хәбәрдән истифадә етдикдә мәнбәјә истинад лазымдыр
