Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Парламентинин Милли тәһлүкәсизлик вә хариҹи сијасәт комиссијасы сәдринин мүавини Исмајыл Көвсәри дејиб: “Иран бөлҝә дөвләтләри илә сијасәтини јенидән нәзәрдән кечирмәлидир”.
О билдириб ки, Иран Сәудијјә Әрәбистаны вә Гәтәрлә дә дипломатик мүнасибәтләрини јенидән нәзәрдән кечирмәлидир: “Иран бөлҝә өлкәләри илә бағлы сијасәтини јенидән дәјәрләндирмәлидир ки, һәмин дөвләтләр етдикләринә гаршы Иранын сәссиз галдығыны зәнн етмәсинләр. Јени илдән Иран ҝүҹлү вә шәффаф дипломатијасы илә империалист ҝүҹләрин гаршысында дајанаҹаг. Дүнја империалист ҝүҹләрин ҝериләмәсинә вә ислам ојанышынын јајылмасына шаһид олаҹаг”.
И. Көвсәри “алтылыг” өлкәләри илә мүзакирәләрә дә тохунуб: “Иран Ислам Республикасы нүвә өлкәсидир. Сүлһ мәгсәдилә нүвә програмына давам едәҹәјик. “Алтылыг” өлкәләри илә истеһсалы азалтмаг вә ја дајандырмаг јөнүндә мүзакирәләр апарылмајаҹаг”.
Диггәт: Хәбәрдән истифадә етдикдә мәнбәјә истинад лазымдыр
