Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда “Eurovision”а һазырлыг вә бу хүсусда инсан һагларынын позулмасы, демократијанын бәрбад вәзијјәти дүнја медиасынын ҝүндәминдән дүшмүр. Нөвбәти белә материал Австријанын “ОРФ” телевизијасында јајымланыб. Телевизијанын интернет сајтында дәрҹ олунан мәгаләни бәзи ихтисар вә редактәләрлә тәгдим едирик.
***
“Еуровисион” маһны мүсабигәси сырф әјләнҹәли шоудур. Лакин бу ил бу мүсабигә артыг сијасиләшиб. Мүсабигәнин кешириләҹәји Азәрбајҹан кәскин тәнгидләрлә үзләшиб. Азәрбајҹан һакимијјәти мүхалифәти боғмағдуна, инсан һагларыны поздуғуна, сөз вә мәтбуат азадлығыны мәһдудлашдырдығына ҝөрә сәрт шәкилдә тәнгид олунур.
“Amnesty International” вә “Human Right Watch” кими инсан һаглары тәшкилатлары бу Гафгаз өлкәсиндәки авторитар режими өз әлејһдарларыны сусдурдуғу үчүн мүһакимә едирләр. “Wикилеакс” мәлуматларында ҝөстәрилир ки, АБШ сәфирлији Илһам Әлијев режимини мафиоз структура бәнзәдиб.
“Сәрһәдсиз Репортјорлар” тәшкилаты билдирир ки, Азәрбајҹанда мәтбуат азадлығы ҹидди шәкилдә мәһдудлашдырылыб, һакимијјәт КИВ үзәриндә тотал нәзарәтә маликдир. Өлкә телеканаллрындан јалныз икиси һакимијјәтин бирбаша нәзарәтиндә дејил. Гәзетләрин 80 фаизи һакимијјәтә мәхсусдур. Јазылы КИВ-ин јалныз 10 фаизи мүхалиф мөвгени ифадә едир. Алманија Хариҹи Ишләр Назирлијинин һесбатына ҝөрә, “КИВ вә сәрбәст топлашма азадлығына гојулан сәрт мәһдудијјәтләр Азәрбајҹанда демократијанын вәзијјәтини олдугҹа писләшдириб”.
Јүзләрлә ев дағыдылыб
Сон һәфтәләрдә һакимијјәт јүзләрлә аиләни көчүрәрәк онларын евләрини дағыдыб. “Human Right Watch” пајтахт Бакынын “Eurovision” маһны мүсабигәсинин кечириләҹәји јерә јахын әразисиндән сакинләрин артыг говулдуғуна диггәт јетирмәјә чағырыр. Әлијев режими көчүрүлән аиләләрә һәгиги компенсасија вермәкдән имтина едир. Һазырда мүсабигәнин кечириләҹәји јердә нәһәнҝ консерт залы, дәбдәбәли сарај вә тиҹарәт мәркәзи тикилир.
Инсан һаглсры мүдафиәчиләри хејли вахтдыр Әлијев режимини гоһумбазлыг, коррупсија вә фәргли дүшүнәнләрә гаршы репрессијада иттиһам едир.
"Демократија наминә оху” етираз кампанијасы
Азәрбајҹанда сијаси репрессијалара етираз әламәти олараг өлкәнин инсан һаглары тәшкилатлары “Eurovision” јарышмасы өнҹәси “Демократија наминә оху” кампанијасына башлајыблар. Инсан һаглары үзрә Бакы клубунун сәдри Рәсул Ҹәфәров билдирир ки, өлкәдә 60 нәфәрдән чох инсан сијаси мотивләрлә дәмир бармаглыглар архасында сахланылыр.
Өтән һәфтә сону Бакыда минләрлә инсан демократија вә сијаси мәһбуслара азадлыг тәләби илә митинг кечирди.
***
Мәгаләнин сонунда Азәрбајҹан һакимијјәтинин бу јарышмадан өз имиҹини јахшы тәгдим етмәк үшүн јарарланмаг истәдији гејд олунур вә һөкумәт рәсмиләринин, еләҹә дә Авропа Јајым Бирлији нүмајәндәләринин мөвгеләри верилир.
Диггәт: Хәбәрдән истифадә етдикдә мәнбәјә истинад лазымдыр
