Әһли Бејт -АБНА- хәбәр аҝентлијинин вердији хәбәрә әсасән Азәрбајҹан һакимијјәти Губа олајларындан тәшвишә дүшүб. Әлдә етдијимиз мәлуматлара ҝөрә, һакимијјәт бу олајларын башга рајонлара кечә биләҹәјиндән еһтијатланыр. Бу бахымдан да индидән мүәјјән тәдбирләр ҝөрмәјә башлајыб. Бу тәдбирләрдән бири дә Русијадан Азәрбајҹана едилән гејри-рәсми пул көчүрмәләринә гадаға гојулмасыдыр.
Мәлуматлара ҝөрә, һөкумәт Губа олајларында Русијада фәалијјәт ҝөстәрән вә әслән бу рајондан олан ири саһибкарлардан шүбһәләнир. Һөкумәтдә дүшүнүрләр ки, мәһз һәмин саһибкарларын малијјә дәстәји нәтиҹәсиндә бу һадисәләр тәшкил едилиб.
Һөкумәтдә белә бир шүбһәнин јаранмасынын сәбәби бизә бәлли дејил. Лакин бәлли олан одур ки, ән јухары сәвијјәдә верилән тапшырыг әсасында Русијадан Азәрбајҹана едилән гејри-рәсми пул көчүрмәләринә гадаға гојулуб.
Бу һадисәләрдән бир гәдәр сонра бу ишлә мәшғул оланларын әһәмијјәтли һиссәси Мүтәшәккил Ҹинајәткарлыгла Мүбаризә Ыдарәсинә чағырылыб. Онлара гәти шәкилдә хәбәрдарлыг едилиб ки, пул көчүрмәләрини дајандырсынлар. Бу ишлә мәшғул олмағы унутсунлар. Әкс-тәгдирдә узун мүддәтә һәбсханаја ҝөндәрилә биләрләр. Бу просес үмуми шәкил алыб. Јәни, Русијада фәалијјәт ҝөстәрән Азәрбајҹанын бүтүн бөлҝәләринә аид саһибкарларын Азәрбајҹана пул көчүрмәси мүшкүлә чеврилиб.
Диггәт: Хәбәрдән истифадә етдикдә мәнбәјә истинад лазымдыр
