Әһли Бејт -АБНА- хәбәр аҝентлијинин вердији хәбәрә әсасән Ајәтуллаһул-Үзма Шејх Нури Һәмәдани бу ҝүн ИИР-нин силаһлы гүввәләринин јүксәк рүтбәли забитләрини гәбул едиб вә бөлҝәдә баш верән һадисәләр барәдә өз фикирләрини бөлүшүб.
Ҝөрүш заманы мәрҹеи-тәглид Али Сәудун, Али Хәлифәнин, Али Сәбанын вә бүтүн "Алиләрин" АБШ-а хидмәт етдикләрини билдирәрәк онларын АБШ-ын сазынын һавасы илә ојнадыгларыны билдириб.
АБШ рәһбәрләрини надан адландыран мәрҹеи-тәглид дејиб ки, мәҝәр онлар билмирләр ки, өз халгынын ганыны төкәнләр мүтләг сүгут едәҹәкләр? Ајәтуллаһ Һәмәдани һәмчинин дејиб ки, о милләт ки, ганындан вә ҹанындан кечир, һеч вахт ҝери чәкилмәјәҹәкдир вә даһа да ҝүҹләнәҹкдир.
Бундан башга әрәб өлкәләри башчыларыны да надан адландыран Ајәтуллаһ Нури Һәмәдани дејиб ки, бу ҝүн Суријаны Иранла бәрабәр сионистләрә гаршы дајандығына ҝөрә ҹәзаландырылмаг истәјирләр. Буна ҝөрә мүхалифәт адландырдыглары силаһлы шәхсләрә јардым едирләр. Амма Али Хәлифә режиминә мүхалиф олан Бәһрејн халгыны ҝөрмәмәзлик едир вә орада инсанлара гаршы едилән ҹинајәтләрә һеч бир етираз билдирмирләр.
Диггәт: Хәбәрдән истифадә етдикдә мәнбәјә истинад лазымдыр
