Әһли Бејт -АБНА- хәбәр аҝентлијинин вердији хәбәрә әсасән Губа һадисәләри сәнҝисә дә рајонда вәзијјәт ҝәрҝин олараг галыр. musavat.com-ун Губадакы гајнаглары бир нечә нәфәрин сахланылараг Бакыја апарылмасы хәбәрини тәсдиг едиб: “Бизә о шәхсләри шаһид гисминдә диндириләндән сонра азад едәҹәкләрини дејибләр. Белә олмаса, һәр бир губалы сахланылан һәмјерлисинә ҝөрә мүбаризәјә галхаҹаг. Рауф Һәбибовла бағлы ону дејә биләрик ки, ”дананын јекәси пәјәдә галыб". Јәни Рауф Һәбибов кимдир ки? Һакимијјәт әслиндә онун архасында дајананлары силкәләмәли иди. Чүнки губалылары Рауф Һәбибов кимиләрин әлилә рүшвәтлә боған онлардыр. Алма сатмаға имкан вермир, иш гуруб пул газанмаға мане олурлар. Губалылар бу мәсәләләри дә ортаја гојаҹаг. Һеч ким дүшүнмәсин ки, губалылар бир тәһгирә ҝөрә ортаја чыхды, галан мәсәләләрә ҝөрә сусаҹаглар. Белә олмајаҹаг. Бу, илк сигнал иди".
Губада иғтишашларын иштиракчыларынын сахланылмасы барәдә “Туран”ын јајдығы хәбәрдә дејилир ки, һүгуг-мүһафизә органлары јерли журналистләрдән иғтишашларын фото вә видео материалларыны тәләб едир. Онларын көмәји илә бу вә ја диҝәр шәхсләрин орада иштиракы ајдынлашдырылыр. Гејри-рәсми мәлуматлара ҝөрә, тутуланларын сајы 25-ә чатыб.
Истинтаг групу иғтишашларын тәшкилиндә сосиал шәбәкәләрдән истифадә дәрәҹәсини өјрәнир. Интернет форумларда 1 мартда күчәјә чыхмаға чағыранлар вә иҹра башчысынын галмагаллы чыхышыны вә иғтишашларын өзүнү интернетә јерләшдирәнләр арашдырылыр. Истинтаг әввәлки тәк һадисәләрин сәбәби вә мотиви барәдә шәрһ вермир. Рәсми Бакы иҹра башчысы Р.Һәбибовун вәзифәдән азад едилмәсинин сәбәби барәдә ачыглама вермәјиб вә онун јеринә јени башчы тәјин едилмәјиб.
Губа һадисәләри илә бағлы тутуланларын икисинин кимлији ајдынлашыб. Бу шәхсләрдән бири Гархун кәндиндән олан 1981-ҹи ил тәвәллүдлү Алхас Данјалов, диҝәри исә Тәнҝәалтыдан олан Фәрһад Һүсејновдур. Бу шәхсләр мартын 1-дә сахланылараг Бакыја ҝәтирилибләр. Онларла јанашы Бакыја даһа ики шәхс ҝәтирилиб.
Тутулан шәхсләр Баш Мүтәшәккүл Ҹинајәткарлыға Гаршы Мүбаризә Идарәсинин зирзәмисиндә сахланылыр, баш Прокурорлуғун Ағыр Ҹинајәтләрә Даир Ишләр үзрә Истинтаг Идарәсиндә сорғу-суал едилирләр.
Тутуланлара әлијевләр режими тәрәфиндән гондарма иттиһамларла ШӘР атылараг Ҹинајәт Мәҹәлләсинин 233-ҹү - иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә, иҹтимаи гајданы кобуд сурәтдә позан вә ја һакимијјәт нүмајәндәсинин гануни тәләбләринә табе олмамагла әлагәдар олан, јахуд нәглијјатын, мүәссисә, идарә вә тәшкилатын нормал фәалијјәтинин позулмасына сәбәб олан һәрәкәтләрин бир груп шәхс тәрәфиндән төрәдилмәсини тәшкил етмә вә ја бу ҹүр һәрәкәтләрдә фәал иштирак етмә маддәси илә иттиһам елан олунуб. Әҝәр иттиһамлар тәсдигини тапса, тутуланлар беш јүз манатдан мин манатадәк мигдарда ҹәримә вә ја ики иләдәк мүддәтә ислаһ ишләри вә ја ејни мүддәтә азадлығын мәһдудлашдырылмасы вә ја үч иләдәк мүддәтә азадлыгдан мәһрум етмә илә ҹәзаландырыла биләрләр.
Диггәт: Хәбәрдән истифадә етдикдә мәнбәјә истинад лазымдыр
