Әһли Бејт -АБНА- хәбәр аҝентлијинин вердији хәбәрә әсасән мартын 6-да Нәсими Рајон Мәһкәмәсиндә мәһбус Руһани Һөҹҹәтүл Ислам Фәрамиз Аббасовун оғлу Руһани Һөҹҹәтүл Ислам Әмин Аббасов барәсиндә һөкм охунуб.
Вәкил Мәнсум Бајрамов дејиб ки, һаким Шәлалә Һәсәнова Руһани Һөҹҹәтүл Ислам Әмин Аббасову 2 ил мүддәтинә ислаһ ишләринә мәһкум едиб. Һөкмә ҝөрә, Һөҹҹәтүл Ислам Әмин Аббасовун ајлыг газанҹынын 20 фаизи тутулаҹаг. Онун һәбсдә јатдығы 25 ҝүнүн һәр ҝүнү 3 ҝүнә бәрабәр тутулмагла, үмумиликдә 75 ҝүнлүк мүддәт 2 иллик һәбсдән чыхылыб.
Һөкм охунандан сонра Руһани Һөҹҹәтүл Ислам Аббасов мәһкәмә залындан азадлыға бурахылыб.
Руһани Һөҹҹәтүл Ислам Әмин Аббасов әлијевләр режими тәрәфиндән јалан иттиһамла тутулараг мөвҹуд режимин Ҹинајәт Мәҹәлләсинин 127.2.1 (гәсдән сағламлыға аз ағыр зәрәр вурма - зәрәрчәкмиш шәхсин хидмәти вәзифәсини вә ја иҹтимаи борҹуну јеринә јетирмәси илә әлагәдар онун өзү вә ја јахын гоһумлары барәсиндә төрәдилдикдә) вә 221.2 (бир груп шәхс тәрәфиндән хулиганлыг) маддәләри илә ШӘРЛӘНӘРӘК ҝүнаһландырылыб. Бакы Апеллјасија Мәһкәмәси онун һаггында 1 ај мүддәтинә һәбс гәтимкан тәбдири сечмишди.
Бу маддәләрлә иш 2011-ҹи илин сентјабр ајындан Нәсими Рајон Полис Идарәсиндә галдырылыб вә индијә гәдәр Руһани Һөҹҹәтүл Ислам Әмин Аббасов һәмин ҹинајәт иши үзрә шаһид гисминдә диндирилиб.
Шикајәтчи Руһани Һөҹҹәтүл Ислам Әмин Аббасовун атасы Руһани Һөҹҹәтүл Ислам Фәрамиз Аббасов үзүнә дурмуш режим нөкәри әлиһүсејн кәримовдур.
Руһани Һөҹҹәтүл Ислам Фәрамиз Аббасов өтән ил Бакы Ағыр Ҹинајәтләр Мәһкәмәсинин һөкмү илә 11 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
