Әһли Бејт -АБНА- хәбәр аҝентлијинин вердији хәбәрә әсасән БМТ-нин идман мәсәләләри үзрә хүсуси мәсләһәтчиси Bилфрид Лемке FİFA рәһбәри Сепп Блатерә мәктуб ҝөндәриб. Мүраҹиәтдә мүсәлман футболчулары мејдана һиҹабда чыхмасына иҹазә верилмәси төвсијә олунур.
Мәктубда гејд олунур ки, FİFA футболла мәшғул олмаг истәјәнләрин һамысына бу имканы јаратмалыдыр. Лемке үмид едир ки, бу мәсәлә һәм ојун гајдалары, һәм дә мәдәни амилләрин нәзәрә алынмасы јолујла һәлл едиләҹәк.
FİFA 2007-ҹи илдә һиҹабла футбол ојунуну гадаған едиб. Һәмин вахтда мүсәлман ханымлара баш өртүјүнү хүсуси кепкаларла әвәзләмәк тәклиф олунуб.
Сабаһ ФИФА-да БМТ-нин мүраҹиәтинә бахылаҹаг. Топланты заманы һәм дә FİFA-нын витсе-президенти Иорданија шаһзадәси Али Ал Һуссеин ојун заманы һиҹабы башда сахлаја билмәјә имкан верән јени зәнҹирбәнди тәгдим едәҹәк.
Өтән ил Иран Ислам Республикасы милли командасынын Иорданија илә ҝөрүшүндә иранлы ојунчулар һиҹабы ачмадыгларына ҝөрә командаја техники мәғлубијјәт верилмишди. Бу да Иран Ислам Республикасы миллисинин бу илки Лондон олимпија ојунларына гатылмасыны әнҝәлләмишди. Буна ҝөрә Иран Ислам Республикасы рәһбәрлији ФИФА-ны мәһкәмәјә верәҹәјини бәјан етмишди.
Диггәт: Хәбәрдән истифадә етдикдә мәнбәјә истинад лазымдыр
