Әһли Бејт -АБНА- хәбәр аҝентлијинин вердији хәбәрә әсасән мартын 1-и саат 10 радәләриндә Губа Рајон Иҹра Һакимијјәти гаршысында етираз аксијасы башлајыб. 1000-ә јахын адам мөвҹуд режимин иҹра һакимијјәти гаршысына јүрүш едиб. Аксичылар әлијевләрин иҹра һакимијјәти башчысы Рауф Һәбибову губалылары тәһгир етдји үчүн онун истефасын тәләб едибләр.
Үч нәфәр ағсаггал “башчы”нын гәбулуна ҝириб. Онлар әлијевләр режими иҹра башчысыны аксија иштиракчыларынын гаршысына чыхыб сакинләрдән үзр истәмәјә вә истефа вермәји тәләб едибләр.
Рајон мәркәзинин бүтүн әсас күчәләриндә һәрәкәт гападылыб вә инсанларын бир јерә топлашмасына имкан верилмир: “Шәһәрә орду һиссәләри, дахил гошунларын әсҝәрләри вә Чевик Полис Алајынын әмәкдашлары јеридилиб".
Полис алајлары етиразчыларын митингини дағытмаға сәјләр едиб. Бир чох мәзлум вәтәндашлар әлијевләрин чевик полис алајлары тәрәфиндән сахланылыб.
Мәлуматлара ҝөрә, әлијевләр режиминин зүлмүндән зинһарә ҝәлмиш инсанлар бүтүн манеләри кечәрәк режимин иҹра һакимијјәтинин бинасына һүҹум едиб, бинанын гапы-пәнҹәрәсини сындырыблар вә бинанын бир корпусу јандырылыб.
Мәнфур режимин горујуҹулары аксија иштиракчыларына гаршы ҝөзјашардыҹы газдан вә резин ҝүлләләрдән истифадә едиб. Лакин буна бахмајараг ҹаны безмиш аксија иштиракчылары мәнфур режимин иҹра һакимијјәтинин јардымчы тикилиләринә, чајханаја од вурублар, бинанын шүшәләрини сындырыблар.
Бунунла һечҹүр разылашмајан мәзлум халг әлијевләр режиминин иҹра башчысы Рауф Һәбибовун евини јандырараг виран едибләр.
“Губанын иҹра башчысы Рауф Һәбибов истефа вериб”. Мартын 1-дә саат 17 радәләриндә аксијачылар гаршысына чыхан депутат Ваһид Әһмәдов белә дејиб.
Һадисәләр заманы сахланылан шәхсләрин чохунун азадлыға бурахылдығы да ҝәлән хәбәрләр арасындадыр.
Диггәт: Хәбәрдән истифадә етдикдә мәнбәјә истинад лазымдыр
