Әһли Бејт -АБНА- хәбәр аҝентлијинин вердији хәбәрә әсасән Вәкил Анар Гасымлы февралын 24-дә Бакы Истинтаг Тәҹридханасында сахланан мәһбус журналист, Иранын “Сәһәр” телеканалынын Бакы нүмајәндәлијинин мүхбири Анар Бајрамлы илә ҝөрүшүб.
Анар Гасымлынын вердији мәлумата ҝөрә, Анар Бајрамлы Президент Администрасијасынын шөбә мүдири Әли Һәсәновун онун барәсиндә дедикләринә ајдынлыг ҝәтириб.
Әли Һәсәнов журналистләрә ачыгламасында Иран Ислам Республикасы телевизијасынын Азәрбајҹанда рәсми аккредитасијадан кечмиш журналисти, мүхбири, јахуд әмәкдашынын олмадығыны дејиб.
Шөбә мүдири гејд едиб ки, Иран Ислам Республикасы телевизијасынын Азәрбајҹанда рәсми гејдијјатдан кечмиш нүмајәндәсинин ады бәллидир: “Онунла бағлы Хариҹи Ишләр Назирлији вә диҝәр мүвафиг гурумларда гејдләр вар. Амма мәтбуатда ады Иран Ислам Республикасы телевизијасынын мүхбири кими чәкилән адда әмәкдаш јохдур”.
Анар Гасымлы һүгугларыны мүадфиә етдији шәхсин дејиләнләри тәкзиб етдијини вурғулајыб: “Анар дејир ки, о, “Сәһәр” телеканалынын Бакы нүмајәндәлијинин мүхбиридир. Дејир ки, әҝәр мәним Иран Ислам Республикасы телевизијасынын мүхбири олараг Азәрбајҹанда аккредитасијам јох идисә, Иран президентинин Азәрбајҹана сәфәри заманы президент Илһам Әлијевлә рәсми ҝөрүшү неҹә мүшајиәт едирдим? Иран президентинин бурада кечирдији бүтүн ҝөрүшләрдә журналист кими иштирак едиб. Ирандан Азәрбајҹана рәсми гајдада ҝәлән бүтүн назирләрин, рәсмиләрин икитәрәфли, чохтәрәфли ҝөрүшләринә гатылырдым?
Анар суал едир ки, әҝәр гејдијјаты јохдурса, рәсми сәвијјәдә тәшкил олунан бу ҝөрүшләрдә неҹә иштирак едиб? Иран Ислам Республикасы мүдафиә назиринин Азәрбајҹанын мүдафиә сәнајеси назири илә сонунҹу ҝөрүшү мисал чәкиб. О, бүтүн рәсми ҝөрүшләрдән репортажлар һазырладығыны, һәмин сүжетләрин “Сәһәр” каналында нүмајиш олундуғуну дејиб”.
Анар Бајрамлы 1980-ҹы илдә Бакыда анадан олуб. Субајдыр. 1997-ҹи илдә Нахчывански адына Һәрби Мәктәбә дахил олуб. Ораны битирдикдән сонра Али Һәрби Мәктәбә дахил олуб. Лакин тәһсилини јарымчыг сахлајыб. 1999-2000-ҹи илләрдә һәрби хидмәтдә олуб. Һәрби хидмәтдән сонра 2008-ҹи иләдәк фәрди әмәклә мәшғул олуб. 2008-ҹи илдән “Сәһәр” телеканалынын Бакы нүмајәндәлијиндә мүхбир кими чалышыр.
Февралын 17-дә әлијевләр режиминин тушуна ҝәләрәк барәсиндә һәбс гәтимкан тәдбири сечилән Анар Бајрамлы би чох вәтәндашлар кими о да Ҹинајәт Мәҹәлләсинин 234.1-ҹи маддәси (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) илә ШӘРЛӘНИЛӘРӘК иттиһам олунур. Һазырда Бинәгәди Рајон Мәһкәмәсинин гәрарындан апеллјасија шикајәти вериб.
Диггәт: Хәбәрдән истифадә етдикдә мәнбәјә истинад лазымдыр
