Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Зијалылар Бирлији һәбс олунан инаҹлыларла бағлы бәјанат јајыб.
Бәјанатда дејилир:
“Чох тәәссүфләр ки, бу ҝүн Азәрбајҹанда һәгигәтләри сөјләмәк, һаггы мүдафиә етмәк, еләҹә дә әдаләтли, мәнәвијјатлы јашамаг артыг тәһлүкәли, рискли вә ҹәзаландырылан бир ишә чеврилиб. Бу сајаг ләјагәтли һәјат тәрзи сечән инсанлара јағы дүшмән кими бахылыр, – онлар дөјүлүр, чөрәклә имтаһана чәкилир, тәгиб, тәнгид едилир, чешидли тәнәләрә мәруз галыр, бәзән һәтта өлдүрүлүрләр дә. Башы һакимијјәт һәрислијиндән, үрәји исә нәфсин вә шејтанын көләлијиндән нәшәләнмиш дөвләт мәмурлары елә билирләр ки, һәр кәсин ҹибинә нәшә атыб ону шәрләјә биләрләр. Онлара елә ҝәлир ки, һакимијјәтә мәддаһлыг етмәјән, өлкәни бүрүмүш јалан вә ријакарлыг селинә синә ҝәрән һәр кәси тута биләр, мүһакимә едәр, сындырар, алчалда биләрләр.
Онлар Мүгәддәс Гуран мүәллимини наркотиклә дүз вә сәмими сөз дејиб Азәрбајҹан мәнәвијјатыны, һаггы, әдаләти сијаси режимин өзбашыналығындан горумаға чалышан мүхалифәт нүмајәндәләрини, дин хадимләри вә зијалылары исә силаһ сахламаг вә с.-дә иттиһам едирләр. Вә бу, артыг аз гала онларын әнәнәви фәалијјәт принсипинә чеврилиб. Бу ҝүнләр јенә дә күтләви һәбсләр далғасы башлајыб вә бу далға әхлагсыз Авровижион маһны мүсабигәсинә «јох» демәк потенсиалына малик оланлар үчүн әсл сунамијә чеврилиб. Бу әмәлләрә гол гојанлар анламырлар, дәрк етмирләр ки, бунунла тәкҹә өзләрини јох, ејни заманда Азәрбајҹаны, онун мәнәви-әхлаги дәјәрләрини, нәһајәт онун Ислам дүнјасында онсуз да ҝүн-ҝүндән корланан имиҹини даһа артыг рүсвај едирләр.
Биз һесаб едирик ки, сон ҝүнләр һеч бир ҝүнаһы олмајан бир груп диндарын һәбси долајысыјла демократик дәјәрләрин маһијјәтинә вурулан зәрбәдир. Белә ки, нөвбәти дәфә инсан һүгуг вә азадлыглары, сөз, ифадә вә әгидә азадлығы бу азадлыгларын, дүшмәнләри тәрәфиндән ајаглар алтына атылыр. Сәдд һејиф ки, биз мүстәгил олсаг да, һәлә дә азад дејилик!...
Биз, гәтијјәтлә һәбс олунмуш инанҹлы инсанларын дәрһал азад олунмасыны тәләб едирик! Биз, Азәрбајҹанын ҝүҹ структурларыны гануна риајәт етмәјә вә әҹнәби дирижорларын ишарәсијлә ојнамаг адәтиндән әл чәкмәјә дәвәт едирик!
Әкс тәгдирдә, превентив аддымлар атмаг – күтләви етиразлар, пикет вә нүмајишләр кечирмәк һаггыны өзүмүздә сахладығымызы Аллаһдан узаглашыб шејтана гуллуг едәнләрин тор бағламыш нәзәринә чатдырырыг! Әлбәттә, әҝәр онлар һәлә нәјисә ҝөрә билмәк вә нәјисә ешитмәк габилијјәтләрини тамам итирмәјибләрсә!...”.
Диггәт: Хәбәрдән истифадә етдикдә мәнбәјә истинад лазымдыр
