Әһли Бејт -АБНА- хәбәр аҝентлијинин вердији хәбәрә әсасән дүнән февралын 22-дә Иран Ислам Республикасынын Атом Енержиси Тәшкилатынын рәсмиләри вә нүвә алимләри илә ҝөрүшән Дүнја Мүсәлманларынын Лидери Ајәтуллаһ Әли Хамнеји гәрб вә сионистјөнлү һеҝемон гүввәләрә гаршы сәрт бәјанатлар сәсләндириб.
ИмамХаменеји дејиб ки, бүтүн хариҹи тәзјигләрә бахмајараг Аллаһын көмәклији илә Иран Ислам Республикасынын нүвә фәалијјәти там ҹидди шәкилдә давам етдирилмәлидир: “Дүнја зүлмкарлары, јәни бир нечә өлкә өзүнә дүнја иҹтимаијјәти вә ја дүнја бирлији адыны вериб. Һалбуки дүнја иҹтимаијјәти онларын һакимијјәтләри јох, халглардыр. Онлар дүнја иҹтимаијјәти адындан данышыр, һөкм чыхарыр, нәјисә рәдд едир вә фикир ирәли јүрүдүрләр. Бу өлкәләр дүнјада һеҝемонлугларыны әлдә етдикләри елми наилијјәтләри илә әлагәләндирирләр. Онлар бу инһисары өз әлләриндә сахламаға чалышырлар. Дүнја халглары нүвә вә космос саһәсиндә, елмин диҝәр саһәләриндә ирәли ҝетсә, артыг дүнја зүлмкарлары гулдурлуг едә билмәјәҹәкләр.
Онлар нүвә мәсәләсини бәһанә едәрәк бизи дајандырмаға чалышырлар. Онлар өзләри дә билирләр ки, биз нүвә силаһы истеһсал етмәк нијјәтиндә дејилик.
Мәним шүбһәм јохдур ки, бу өлкәләрдә гәрар гәбул едән гурумлар буну јахшы билирләр. Һәгигәтән дә нүвә силаһы бизим хејримизә дејил.
Биз нәзәри вә дини бахымдан бу иши дүзҝүн сајмырыг. Биз нүвә силаһындан истифадәни бөјүк ҝүнаһ сајыр, ону сахламағын да тәһлүкәли вә мәнасыз бир иш олдуғуна инанырыг. Мәһз буна ҝөрә дә онун далынҹа ҝетмирик. Онлар да буну билә-билә бизә тәзјиг ҝөстәрир, бизи дајандырмаг истәјирләр.
Биз дүнјаја сүбут етмәк истәјирик ки, нүвә силаһы ҝүҹ ҝәтирмәз. Чүнки нүвә силаһына малик олан вә бу јолла дүнјаја һаким олан бу өлкәләрин өзү бу ҝүн ағыр проблемләрлә үз-үзә галыб.
Бизә ҝөстәрилән бүтүн тәзјиг, тәһдид вә террорлар јалныз онларын зәифлијини нүмајиш етдирир. Бүтүн бунлар бизим милләтимизин мөһкәмләнмәсинә сәбәб олаҹаг. Бу исә онлары гәзәбләндирир”.
Диггәт: Хәбәрдән истифадә етдикдә мәнбәјә истинад лазымдыр
