Әһли Бејт -АБНА- хәбәр аҝентлијинин вердији хәбәрә әсасән сабаһ февралын 24-дә Нәсими Рајон Мәһкәмәсиндә һазырда әлијевләр реҝими тәрәфиндән һәбс едилән Һөҹҹәтүл Ислам Сејјид Фәрамиз Аббасовун оғлу Һөҹҹәтүл Ислам Сејјид Әмин Аббасовун мәһкәмәси кечириләҹәк.
Вәкил Мәнсум Бајрамовун вердији мәлумата ҝөрә, ишә һаким Шәлалә Һәсәнованын сәдрлији илә бахылаҹаг.
Һүгугларыны мүдафиә етдији Һөҹҹәтүл Ислам Сејјид Әмин Аббасовла февралын 21-дә Бакы Истинтаг Тәҹридханасында ҝөрүшдүјүнү дејән вәкил февралын 24-дә кечириләҹәк һазырлыг иҹласында мүвәккили һаггында сечилмиш һәбс гәтимкан тәдбиринин дәјишдирилмәсинә даир вәсатәт галдыраҹағыны билдириб.
Өтән ил әлијевләр режиминин Ағыр Ҹинајәтләр Мәһкәмәсинин һөкмү илә 11 ил азадлыгдан мәһрум едилән руһани Һөҹҹәтүл Ислам Сејјид Фәрамиз Аббасовун оғлу Әмин Аббасов мөвҹүд режим тәрәфиндән Ҹинајәт Мәҹәлләсинин 127.2.1 (гәсдән сағламлыға аз ағыр зәрәр вурма - зәрәрчәкмиш шәхсин хидмәти вәзифәсини вә ја иҹтимаи борҹуну јеринә јетирмәси илә әлагәдар онун өзү вә ја јахын гоһумлары барәсиндә төрәдилдикдә) вә 221.2 (бир груп шәхс тәрәфиндән хулиганлыг) маддәләри илә ШӘРЛӘНИЛӘРӘК иттиһам олунур. әлијевләр Апеллјасија Мәһкәмәси онун һаггында 1 ај мүддәтинә һәбс гәтимкан тәбдири сечиб.
Бу маддәләрлә иш 2011-ҹи илин сентјабр ајындан Нәсими Рајон Полис Идарәсиндә галдырылыб вә индијә гәдәр Һөҹҹәтүл Ислам Сејјид Әмин Аббасов һәмин ҹинајәт иши үзрә шаһид гисминдә диндирилиб.
Шикајәтчи Һөҹҹәтүл Ислам Сејјид Әмин Аббасовун атасы Һөҹҹәтүл Ислам Сејјид Фәрамиз Аббасова гаршы ифадә вермиш әлиһүсејн кәримовдур. әлијевләр Ағыр Ҹинајәтләр Мәһкәмәсиндә Исламчыларын просеси ҝедән заман мәһкәмә бинасынын гаршысында инсидент олуб. әлиһүсејн кәримовун бу инсидентдә хәсарәт алдығы дејилир. Лакин истинтаг она кимин хәсарәт јетирдијини мүәјјән етмәјиб. Гејд олунуб ки, ҝүја она Һөҹҹәтүл Ислам Сејјид Әмин Аббасов вә гејриләри хәсарәт јетириб. Бу ишлә әлагәдар Сејјид Әминин баҹысы Ајнур ханым да шаһид гисминдә ифадә вериб. әлиһүсејн ону да хәсарәт јетирмәкдә ҝүнаһландырыб, амма истинтаг буну мүәјјән етмәјиб.
Нәсими Рајон Мәһкәмәси истинтаг тәдгигаты битдији үчүн Һөҹҹәтүл Ислам Сејјид Әмин Аббасов барәсиндә һәбс гәтимкан тәдбири сечмәмишди. Лакин мәнфур әлијевләр режимин Апеллјасија Мәһкәмәси февралын 10-да онун 1 ај мүддәтинә һәбс едилмәсинә гәрар вериб.
Диггәт: Хәбәрдән истифадә етдикдә мәнбәјә истинад лазымдыр
