Әһли Бејт -АБНА- хәбәр аҝентлијинин вердији хәбәрә әсасән Бинәгәди Рајон Мәһкәмәсинин Иран Ислам Республикасынын “Сәһәр” телеканалынын Азәрбајҹан нүмајәндәлијинин мүхбири Анар Бајрамлы һаггында чыхардығы һәбс гәтимкан тәдбириндән апеллјасија шикајәти верилиб.
Вәкил Анар Гасымлынын сөзләринә ҝөрә, февралын 17-дә Анар Бајрамлы һаггында һәбс гәтимкан тәдбири сечиләркән онун һүгугларыны дөвләтин тәјин етдији вәкил горујуб: “Лакин һәмин вәкил өтән мүддәт әрзиндә Анар Бајрамлы илә һеч бир әлагә сахламајыб. Еләҹә дә Бинәгәди Рајон Мәһкәмәсиндән һәбс гәтимкан тәдбиринин сечилмәси һагда гәрары ҝөтүрмәјиб. Апеллјасија шикајәтинин верилмә мүддәти дүнән баша чатыб. Бу ҝүн мән Бинәгәди Рајон Мәһкәмәсиндән гәрарын сурәтини ҝөтүрдүм вә Бакы Апеллјасија Мәһкәмәсинә әризәдә ҝеҹикмәнин објектив сәбәбләрини ҝөстәрдим”.
Анар Бајрамлы әлијевләр режими тәрәфиндән Ҹинајәт Мәҹәлләсинин 234.1-ҹи маддәси (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) илә Шәрләниләрәк иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
