Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Азәрбајҹандакы сәфирлији рәсми Бакыја тәгдим етдији нотада иранлы журналистләрин сахланмасы фактынын бејнәлхалг нормалара зидд олдуғу билдирилир, онларын дәрһал азадлыға бурахылмасы тәләб едилир.
Хатырладаг ки, Иран күтләви информасија васитәләри “ФАРС” информасија аҝентлијинин вә Иран телевизијасынын “Сәһәр” каналынын журналистләринин Бакыда һәбс олунмасы барәдә мәлумат јајыб. Сахланан шәхсләрдән Анар Бајрамлынын “Сәһәр” каналынын мүхбири, Рамил Дадашовун исә “Сәһәр” каналынын сүрүҹүсү олдуғу билдирилир.
Азәрбајҹан Президент Администрасијасы иҹтимаи-сијаси шөбәсинин мүдири Әли Һәсәнов исә Иран Ислам Республикасы телевизијасынын Анар Бајрамлы адында әмәкдашынын Хариҹи Ишләр Назирлијиндә аккредитасија олунмадығыны билдириб.
Гејд едәк ки, А. Бајрамлы Бинәгәди Рајон Полис Идарәси 4-ҹү Полис Бөлмәсинин әмәкдашлары тәрәфиндән сахланылыб. Мәлумата ҝөрә, сахланыларкән онун үзәриндән наркотик васитә ҝөтүрүлүб.
Диггәт: Хәбәрдән истифадә етдикдә мәнбәјә истинад лазымдыр
