Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назири Әли Әкбәр Салеһи журналистләрә ачыгламасында билдириб: “Иранын нүвә програмы илә бағлы “алтылыг”ла кечирәҹәји мүзакирәләр Түркијәнин Истанбул шәһәриндә олаҹаг”.
Онун сөзләринә ҝөрә, артыг Иран Ислам Республикасынын Али Милли Тәһлүкәсизлик Шурасынын катиби Сәид Ҹәлили Авропа Бирлијинин хариҹи сијасәт вә тәһлүкәсизлик мәсәләләри үзрә али нүмајәндәси Кетрин Ештона мәктуб ҝөндәриб.
Әли Әкбәр Салеһи даһа сонра дејиб: “Мүзакирәләрин кечириләҹәји јер мәлумдур, лакин вахт һәләлик мүәјјәнләшмәјиб. Анҹаг мәктубда мүәјјән тарих ҝөстәрилиб. Мәкан исә дәјишмәздир, јәни мүтләг Истанбул олаҹаг. Һазырда гаршы тәрәфдән ҹаваб ҝөзләјирик. Биз мүзакирәләрә там һазырыг”.
Диггәт: Хәбәрдән истифадә етдикдә мәнбәјә истинад лазымдыр
