Әһли Бејт -АБНА- хәбәр аҝентлијинин вердији хәбәрә әсасән “Wikileaks” сајтынын ачыгладығы америкалы дипломатларын јени сәнәдләриндә рәсми Бакынын дахили вә хариҹи сијасәти һагда мараглы мәлуматлар вар. Белә ки, сәнәдләрин бир һиссәси әлијевләр режиминин Президент Администрасијасынын рәһбәри Рамиз Меһдијевин етирафларына аиддир. Одур ки, тәсадүфү дејил ки, о “Wikileaks”ин материалларынын һәгигәтә ујғун олмадығыны билдириб. Сәфир Енн Дерсинин 15 ијун 2007-ҹи ил тарихли телеграмы бир ҝүн әввәл Рамиз Меһдијевин она вердији мәхфи сәнәддән бәһс едир.
Гејд етмәк лазымдыр ки, наркобарон Меһдијев әлијевләр режиминин бу сәнәди һарадан вә неҹә әлдә етдијини ачыгламајыб. Мәһз елә бу ачыгламаманын өзү ишин сахта олмасынын ҝөстәриҹисидир.
Ҝүја “Там мәхфи” олан вә ислам ингилабы Корпусунун нәшр етдији сәнәди Шәрги Азәрбајҹан Бәсиҹ команданы ҝенерал Мәһәммәд Јусеф Шакери имзалајыб. Сәнәддә дејилир ки, Нахчыван сакинләрини гәзетләрдә Мәһәммәд (сәлләллаһу әлејһи вә алиһ) Пејғәмбәрин тәһгир олунмасынын әлејһинә чыхмаға ҹәлб етмәк лазымдыр. Бу мәгсәдлә истифадә олунан адамларын малијјә вә физики тәһлүкәсизлијини тәмин етмәк ваҹибдир.
Сәнәдин сүрәти информасија Кәшфијјат Назирлијинә, Иранын Бакыдакы сәфирлијинә вә с. ҝөндәрилиб.
АБШ сәфирлијинин шәрһиндә сәнәдин дүзҝүнлүјүнү јохламаг имканларынын олмадығы билдирилир.
Енн Дерсинин һәмин ил 19 ијул тарихли диҝәр телеграмы онун Рамиз Меһдијевлә Иран тәһлүкәси мөвзусунда ҝөрүшүндән бәһс едир. Әфганыстандан күлли мигдарда наркотик маддәләри мәхфијанә Иран Ислам Республикасынын әразиси илә Азәрбајҹана ҝәтиздирән Меһдијев Енн Дерсинә билдириб: “Иран Азәрбајҹана тәзјиг кими радикал исламдан вә наркотиҹарәтдән истифадә едир”.
Президент Администрасијасынын бәзи шөбәләринин рәһбәрләринин дә иштирак етдији ҝөрүшдә исә Меһдијев дејиб ки, Иран Азәрбајҹанда Ислам Партијасынын рәһбәрлијинә “ән радикал лидери” (ијулун 15-дән партијаја рәһбәрлик едән Доктор Мөвсүм Сәмәдову нәзәрдә тутур) тәјин едиб.
О һәмчинин Азәрбајҹанда пак диндариарын әмәлә ҝәлмәси сајәсиндә әлијевләрин чиркин планларынын баш тута биимәмәсинә ишарә едәрәк дејиб ки, Бакыдакы Иран Мәдәнијјәт Мәркәзи бу сијасәтин аләтидир. Белә ки, мәркәз јүзләрлә ҝәнҹи сечәрәк дини мүәссисәләрдә тәһсил алмаға ҝөндәрир. Һәмин адамлар гајытдыгдан сонра бешинҹи колона чеврилир вә Азәрбајҹанда радикаллашмаја (јәни әлијевләр режиминин анти-Ислам вә анти-Милли сијасәтләринә гаршы чыхмаға) хидмәт едир.
О, һиҹаб тахан гадынларын сајынын чохалмасыны да Иранын тәсиринин артмасынын нәтиҹәси һесаб едир. Онун сөзләринә ҝөрә, Азәрбајҹан һөкумәти бу тенденсијанын гаршысыны алмалыдыр, чүнки ҝәләҹәкдә буну етмәк мүмкүн олмајаҹаг. Бу истигамәтдә аддымлардан бири али вә орта мәктәбләрдә һиҹаба гадағанын гојулмасы олаҹаг.
Диггәт: Хәбәрдән истифадә етдикдә мәнбәјә истинад лазымдыр
