Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасынын Теһрандакы сәфирлијинин 2-ҹи рәсмисинин бу өлкә һөкумәтинин бајағы Еуровисион мүсабигәсинин кәнарында Бакыда һомосексуалларын парадынын кечирилмәсини дәстәкләмәси илә бағлы ачыгламасы кәскин реаксијалара сәбәб олуб.
Буллетен-Неwс-ун мәлуматына ҝөрә, Азәрбајҹан Республикасынын Теһрандакы сәфирлијинин мәтбуат хидмәтинин рәһбәри Ибраһим Гафаров бир мүддәт өнҹә Теһран Университетиндә кечирилән топлантыда Бакыда Еуровисион маһны мүсабигәсиндә һомосексуалларын парадынын кечирилмәсини гејд едиб вә бу барәдә дејиб: Ҝејләрин карнавалынын кечирилмәси дә һомосексуалларын бу республикаја ахынына сәбәб олаҹаг вә Еуровисион маһны мүсабигәсинә хәрҹләнән јүз милјонларла доллар вәсаитин бир һиссәсинин әвәзи чыхылаҹаг.
Ислам Шурасы Мәҹлисиндә Бирҹәндин милләт вәкили Һүсејн Ибраһими Азәрбајҹан Республикасынын Теһрандакы сәфирлијинин 2-ҹи адамынын Бакыда ҝејләрин парадыны дәстәкләмәсинә реаксија верәрәк дејиб: Әҝәр бу мәсәләләр доғру оларса, онун фәсадлы олмасында шүбһә јохдур.
Һүсејн Ибраһими Иранда Ислам Республикасы гурулушунун һакимијјәтинә тохунараг билдириб: Иран пак вә мүгәддәс дијардыр вә ислам ганунлары она һакимдир. Белә шәхсләр фәсадлы идејаларла мүсәлман Азәрбајҹан Республикасынын дипломатик јерини Теһранда ишғал етмәмәлидирләр.
Белә бир дипломата малик олмағын Азәрбајҹанын шәниндә олмадығыны сөјләјән Ибраһими дејиб: Ислам Шурасы Мәҹлиси бу һәрәкәтләр гаршысында сүкут етмәјәҹәк.
Ислам Шурасы Мәҹлисинин Милли Тәһлүкәсизлик вә Хариҹи Сијасәт комиссијасынын сәдр әвәзедиҹиси дә Азәрбајҹан Республикасынын Теһрандакы сәфирлијинин 2-ҹи адамы Ибраһим Гафаровун сөзләринин кәскин вә мәнасыз олдуғуну вурғуламагла јанашы дејиб: Әҝәр азәрбајҹанлы дипломатын һомосексуал олмасы вә Теһран Университетиндәки мәнасыз сөзләри сүбут олунарса, Хариҹи Ишләр Назирлији өз гәтијјәтли аддымы илә елә шәкилдә әмәл етмәлидир ки, һеч кимин һомосексуаллығы азадлыг вә демократијанын мүдафиә олунмасы истигамәтиндә ирәли сүрмәјә ҹүрәти чатмасын.
Милләт вәкили сөјләјиб: Бу мәсәләләр Ислам Шурасы Мәҹлиси тәрәфиндән ҹидди сүрәтдә изләнилир вә милләт вәкилләри бу мәсәләјә кәскин ҹаваб верәҹәкләр.
Диггәт: Хәбәрдән истифадә етдикдә мәнбәјә истинад лазымдыр
