Әһли Бејт -АБНА- хәбәр аҝентлијинин вердији хәбәрә әсасән Гарадағ рајону Саһил гәсәбәсиндә 228 сајлы орта мәктәбә Һиҹаблы шаҝирдләр бурахылмыр. Мәктәб директору Аллаһверди Аббасов бу гадағанын ЈУХАРЫЛАРЫН тапшырығы олдуғуну билдириб. Диндарлардан бир нечәси мәктәб директору Аллаһверди мүәллимлә ҝөрүшмүш вә Илһам Әлијевин русијалы журналист Серҝеј Брилевлә мүсаһибәсини она ҝөстәрмишләр.
Мәктәб директору “Президентин һиҹабла бағлы дедикләринә бизә бу лазым дејил, бу тапшырығы бизә Бакы Шәһәри үзрә Тәһсил Идарәсинин мүдири Наилә Рызагулијева вериб вә дејиб мәктәбә Һиҹаблы шаҝирдләри бурахмајын вәссалам” ҹавабыны вериб.
Хатырладаг ки, «Вести в субботу» коллективинин әмәкдашы Серҝеј Брилев Азәрбајҹан Республикасынын президенти Әлијевин 50 иллији мүнасибәти илә әлагәдар ондан мүсаһибә алыб. Сөһбәтдә Азәрбајҹанда Ислама мүнасибәт мөвзусуна да тохунулуб.
Серҝеј Брилевин «Азәрбајҹандан ҹәнубда һиҹаб ваҹибдир. Өлкәниздән шәргдә исә бир сыра өлкәләр мүәјјән гадағалар һәјата кечирир, мәсәлән иш јериндә намаз гылмаг олмаз вә саир. Бәс бу мүзакирәләрдә Сизин јериниз һарададыр» суалына президент Илһам Әлијев белә ҹаваб вериб:
- Һеч бир јердә. Өлкәмиздә бу саһәдә һеч бир гадаға јохдур. Һәр кәс истәдији кими инкишаф едә биләр. Вә бу һәр бир вәтәндашын һүгугудур.
Диггәт: Хәбәрдән истифадә етдикдә мәнбәјә истинад лазымдыр
