Әһли Бејт -АБНА- хәбәр аҝентлијинин вердији хәбәрә әсасән Исвечрәнин Сүрих шәһәр прокурорлуғу Түркијәнин Авропа Бирлији мәсәләләри үзрә назири Еҝемен Бағыш һаггында илкин тәһгигата башлајыб.
Е. Бағышын өтән һәфтә Сүрихдә “Ермәни сојгырымы олмајыб. Бу сөзләримә ҝөрә гој ҝәлиб мәни һәбс етсинләр”, шәклиндә бәјанат вермәсиндән сонра Исвечрәдәки ермәни иҹмасы прокурорлуға шикајәт едиб.
Сүрих прокурору Кристин Брауншвејг (Ҹһристине Браунсҹһwеиҝ) Түркијәнин “Доған” хәбәр аҝентлијинә ачыгламасында шикајәт әсасында илкин тәһгигата башладыгларыны сөјләјиб: “Кечән һәфтә бизә бу мөвзуда шикајәт әризәси дахил олду. Әризәдә һөрмәтли Бағышын Исвечрә Ҹинајәт Мәҹәлләсинин 261-ҹи маддәсинә (иргчилик) зидд даврандығы билдирилирди. Прокурорлуғумуз бу иттиһамы ҹидди гәбул едәрәк илкин тәһгигат апармаға гәрар верди. Инди Еҝемен Бағышын шикајәт әризәсиндә гејд олунан ифадәләри сөјләјиб-сөјләмәдијини арашдыраҹағыг. Онун дипломатик тохунулмазлыға саһиб олуб-олмадығыны мүәјјәнләшдирәҹәјик. Бу арашдырмаларын нәтиҹәсиндә гануна зидд давраныш мүәјјән едиләрсә вә онун дипломатик тохунулмазлығы јохдурса, барәсиндә ҹинајәт иши ачаҹағыг”.
Е. Бағыш исә илкин тәһгигат јекунлашдыгдан сонра мәсәләјә мүнасибәт билдирәҹәјини ачыглајыб.
Диггәт: Хәбәрдән истифадә етдикдә мәнбәјә истинад лазымдыр
