Әһли Бејт -АБНА- хәбәр аҝентлијинин вердији хәбәрә әсасән Бәһрејнин “14 Феврал Фәаллары” бәјанијјә верәрәк ганичән Али Хәлифә режиминин зинданларынын аҹынаҹаглы вәзијјәтин, заваллы сијаси мәһкумларын вә мүхалиф партија лидерләринин режим тәрәфиндән мүхтәиф ишкәнҹә вә әзаблара мәруз галдыгларыны хүсуси илә дә “Әлламә Шејх Әбдүл Әзим Муһтәда Бәһрани” кими шәхсијјәтин зиндна салыныб тәһгир едилмәсини мәһкум едәрәк бу хоша ҝәлмәз вәзијјәтдән ниҝәран олдугларыны бәјан етмишләр.
Бәһрејнин һүгуг фәалларындан олан Сејјид Јусиф Муһафизе дә билдирмишдир ки, Әлламә Муһтәда етираз әламәти олараг галдығы камерада аҹлыг аксијасы кечиртдикдә ҝөзәтчиләр она ишкәнҹә вермиш вә тибби мүајинәдән мәһрум едәрәк мүалиҹә олунмасына гадаған гојмушлар.
Гејд едәк ки, Әлламә Әбдүл Әзим Муһтәда Бәһрани “Али Хәлифә” режиминин мүхалифләриндән бири олараг Бәһрејн Әһли Бејт Ҹәмијјәтинин лидеридир. О, мәрһум Имам Хомејни ҹәнабларынын шаҝирди олмуш вә һал һазырда Нәҹәфи Әшрәфдә јашајан вә Гум Елми Һөвзәсиндә олан бир нечә адлы-санлы мүчтеһидләрин нүмајәндәсидир. Муһтәда Бәһрани һәмдә өзү ҝүҹлү елм адамыдыр онун бир чох тәлиф етдији китаблар вардыр. Әлламә Бәһрани һалһазырда Али Хәлифә режиминә гаршы чыхан мүҹаһид алимләрдән бири һесаб олунур.
Шејх Әбдүл Әзим Муһтәда бир нечә ил өнҹә Бәһрејнин Али Ислам Мәҹлисинин фәал үзүвләриндән бир олмуш вә даим бу мәҹлисдә Али Хәлифә режимини халга гаршы төрәтдији зүлүмләрә ҝөрә тәнгид едиб, ирадлар сөјләдијинә ҝөрә бир тәнгидчи фәал кими танынмышдыр. Али Хәлифә режиминин зүлмү әршә галхдыгда исә Әлламә Бәһрани тутдуғу постдан истефа верәрәк Бәһрејн халгынын 14 февралда башладығы “Кәрамәт Ингилабы” һәрәкатына гошулмуш вә Бәһрејнин Ло Ло мејданында (Шәһидләр Мејданында) диҝәр алимләр илә бирҝә һүзур тапмышдыр.
Али Хәлифә режиминин горујуҹулары Али Сәуд режиминин ордусу илә бирҝә һәјата кечртдикләри анти-бәшәр әмәлијјатында вәһшиҹәсинә Әлламә Бәһранинин евинә һҹум чәкәрәк ону евиндән оғурламышлар. Илк өнҹә Әлламәни ики ҝүн сахлајаҹагларыны билдирсәләрдә артыг 307 ҝүндүр ки, Әлламә Бәһрани Али Хәлифә зинданында сахланылыр.
Диггәт: Хәбәрдән истифадә етдикдә мәнбәјә истинад лазымдыр
